ផ្សារទំនើបស្តង់ដាអន្តរជាតិ Olympia Plaza នឹងបើកដំណើរការនៅឆ្នាំ២០១៨នេះ

2018-01-19 09:27:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ផ្សារទំនើបស្តង់ដាអន្តរជាតិ Olympia Plaza ដែលបោះទុនវិនិយោគប្រមាណ ៨០លានដុល្លារ នឹងបើកដំណើរការក្នុងដំណាក់កាលទី១ នៅចុងត្រីមាសទី៣ ឆ្នាំ២០១៨នេះ។ នេះបើតាមការបញ្ជាក់របស់លោក ម៉េង ចំរើន ប្រធានគម្រោង Olympia City នៃក្រុមហ៊ុន OCIC នៅថ្ងៃទី១៩ ខែមករានេះ។

រូបគំរូផ្សារ Olympia Plaza

ផ្សារទំនើប Olympia Plaza មានទីតាំងនៅក្បែរពហុកីឡដ្ឋានជាតិអូឡាំពិក ស្ថិតក្នុងគម្រោង Olympia city។ ផ្សារនេះមានកម្ពស់ ១២ជាន់ ប៉ុន្តែដំណាក់កាលទី១មានកម្ពស់ ៦ជាន់ និងមានទំហំប្រមាណ១៦០០០ម៉ែត្រការ៉េ។

លោក ម៉េង ចំរើន ឲ្យដឹងថា បច្ចុប្បន្នមានក្រុមហ៊ុនលក់ផលិតផលល្បីៗបាននឹងកំពុងធ្វើការងារ ដើម្បីដំណើរការផ្សារទំនើបដ៏ធំនេះ។ លោកបន្តថា ផ្សារទំនើបនេះនឹងមានរោងភាពយន្តនៅជាន់ទី៦ និងកន្លែងលក់រាយចាប់ពីជាន់ទី១ដល់ជាន់ទី៥។ ចំពោះដំណាក់កាលទី២ នៃផ្សារទំនើបនេះ មានកម្ពស់ ៦ជាន់ ជាកន្លែងលក់ផលិតផលចម្រុះ អាហារ និងភេសជ្ជៈ អាចនឹងបើកដំណើរការនៅចុងឆ្នាំ២០១៩។

គម្រោង Olympia City

លោកមានជំនឿថាផ្សារទំនើបនេះ នឹងទទួលបានជោគជ័យដោយសារផ្សារនេះស្ថិតនៅតំបន់ពាណិជ្ជកម្មកណ្តាលក្រុង តំបន់មានប្រជាជនរស់នៅច្រើន ពិសេសអ្នករស់នៅក្នុងទីក្រុងOlympiaPlaza អាចដើរមកកាន់ផ្សារនេះទៅវិញទៅមកបាន៕