ស្ពានដែលបន្សល់ពីសម័យអង្គរមួយកន្លែង ត្រូវបន្តជួសជុលដោយក្រសួងវប្បធម៌
- 2018-05-09 04:47:31
- ចំនួនមតិ 0 | ចំនួនចែករំលែក 0
ស្ពានដែលបន្សល់ពីសម័យអង្គរមួយកន្លែង ត្រូវបន្តជួសជុលដោយក្រសួងវប្បធម៌
ចន្លោះមិនឃើញ
នាយកដ្ឋានគាំពារនិងអភិរក្សសំណង់បុរាណ នៃក្រសួងវប្បធម៌ និងវិចិត្រសិល្ប: សហការជាមួយមន្ត្រី មន្ទីរវប្បធម៌ខេត្តឧត្តរមានជ័យ កាលពីព្រឹកថ្ងៃទី៨ ខែឧសភា ២០១៨ នេះ បានចាប់ផ្តើមជួសជុល ស្ពានបុរាណមួយកន្លែង នៅដំណាក់កាលទី៤បន្ត ស្ថិតនៅភូមិជើងទៀន ឃុំជើងទៀន ស្រុកចុងកាល់ ខេត្តឧត្តរមានជ័យ។
លោកស្រី ជាម ផល្លី មន្ត្រីបច្ចេកទេស នៃនាយកដ្ឋានគាំពារ និងអភិរក្សសំណង់បុរាណ នៃក្រសួងវប្បធម៌ និងវិចិត្រសិល្ប: និងជាប្រធានការដ្ឋាន ជួសជុលស្ពានបុរាណនោះ បានឲ្យដឹងដែរថា ការជួលជុលស្ពាននេះ គឺត្រូវចំណាយ រយ:ពេល ៦ ខែ។
លោកស្រីបន្តថា ស្ពានទ័ពនេះ ក្រសួងវប្បធម៌ និងវិចិត្តសិល្បៈ បានចាប់ផ្តើមអភិរក្ស និងជួសជុល ៣ ដំណាក់កាលមកហើយ ដោយដំណាក់កាលទី១ នៅឆ្នាំ២០១៥ បានជួសជុលតួស្ពាននៅផ្នែកខាងលិច ដំណាក់កាលទីពី និងទីបី នៅក្នុងឆ្នាំ២០១៦ ជួសជុលនៅផ្នែកខាងកើត រួមសសរស្ពាន និងរៀបចំតួខ្លួននាគ ដាក់តាំងលើស្ពានផងដែរ។ ហើយនៅដំណាក់កាលទី៤ នេះ លោកស្រី បញ្ជាក់ថា នឹងធ្វើការជួសជុល កន្លែងទ្រុឌទ្រោមដទៃទៀតនៃស្ពាននេះ ហើយការជួសជុលបន្តនេះ គឺត្រូវប្រើប្រាស់កញ្ចប់ថវិការបស់ជាតិ។
លោក ហុង យឿន ក៍បានឲ្យដឹងផងដែរថា ខេត្តឧត្តរមានជ័យ មានស្ថានីយបុរាណ សរុបចំនួន ២៦៧ កន្លែង ។ ស្ថានីយបុរាណទាំងនោះ មានដូចជា ទួលប្រាសាទ, ទួលបុរាណ, គោក ឬភូមិបុរាណ, ស្ថានីយយកថ្ម ព្រមទាំងស្រះបុរាណ។ គិតមកដល់ឆ្នាំ២០១៨នេះ សំណង់បុរាណទាំងនោះ ត្រូវបានដាក់បញ្ចូលជាសម្បត្តិបេតិកភណ្ឌជាតិ នៅក្រសួងវប្បធម៌ និងវិចិត្រសិល្ប: រួចរាល់អស់ហើយ៕