Jack Ma ទទួលបណ្ឌិតកិត្តិយសពីកំពូលសាកលវិទ្យាល័យរបស់អ៊ីស្រាអែល
- 2018-05-11 06:13:17
- ចំនួនមតិ 0 | ចំនួនចែករំលែក 0
Jack Ma ទទួលបណ្ឌិតកិត្តិយសពីកំពូលសាកលវិទ្យាល័យរបស់អ៊ីស្រាអែល
ចន្លោះមិនឃើញ
ស្ថាបនិក និងនាយកប្រតិបត្តិក្រុមហ៊ុន Alibaba លោក Jack Ma បានទទួលបណ្ឌិតកិត្តិយសពីសាកលវិទ្យាល័យ Tel Aviv University ដែលជាសាកលវិទ្យាល័យដ៏ល្បីមួយរបស់ប្រទេសអ៊ីស្រាអែល។ ការទទួលបណ្ឌិតកិត្តិយសរបស់លោក Jack Ma បានធ្វើឡើងកាលពីដើមសប្ដាហ៍នេះ។
ក្នុងពិធីទទួលបណ្ឌិតកិត្តិយសនោះ Jack Ma បានថ្លែងទៅកាន់និស្សិតនៅក្នុងសាកលវិទ្យាល័យ Tel Aviv University ថា គ្រឿងផ្សំដ៏សំខាន់បំផុតនៃភាពជោគជ័យរបស់ក្រុមហ៊ុន Alibaba គឺការបង្កើតថ្មី។
នៅពេលសួរថា តើមុខវិជ្ជាអ្វី ដែលគួររៀនសម្រាប់ពេលអនាគត Jack Ma ឆ្លើយថា "កុំរៀនអ្វីដែលឪពុករបស់អ្នក ចង់ឲ្យអ្នករៀន នោះជាអ្វីដែលខ្ញុំប្រាប់កូនៗរបស់ខ្ញុំ។ ខ្ញុំគិតថា អ្វីដែលសំខាន់នៅសព្វថ្ងៃនេះ គឺរៀនអ្វីដែលអ្នកពូកែ អ្វីដែលអ្នកស្រលាញ់ អ្វីដែលពិតជាចង់ធ្វើពេញមួយជីវិតរបស់អ្នក"៕
វីដេអូ Jack Ma ថ្លែងអំឡុងលោកទទួលបណ្ឌិតកត្តិយស