ក្រសួងរ៉ែ បំភ្លឺព័ត៌មានទាក់ទងការរកឃើញរ៉ែមាស នៅខេត្តព្រះសីហនុ

2018-05-18 07:14:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រោយមានព័ត៌មានចចាមអារ៉ាមមួយ ពីការរកឃើញរ៉ែមាស ដោយក្រុមហ៊ុនចិន នៅតំបន់សេដ្ឋកិច្ចពិសេសចេជាង ក្នុងស្រុកព្រៃនប់ ខេត្តព្រះសីហនុ នៅថ្ងៃទី១៨ ខែឧសភា ២០១៨នេះ ក្រសួងរ៉ែ និងថាមពលបានចេញសេចក្តីប្រកាសព័ត៌មាន បញ្ជាក់ថា ទីតាំងនោះ គឺជាការដ្ឋានកាយដីជើងភ្នំ ដើម្បីពង្រាបទីតាំង និងយកអាចម៍ដីចាក់បំពេញនៅក្នុងការដ្ឋានសាងសង់តំបន់សេដ្ឋកិច្ចពិសេសចេជាងប៉ុណ្ណោះ។

លោក ស៊ុយ សែម រដ្ឋមន្រ្តីក្រសួងរ៉ែ និងថាមពល ថ្លែងអំឡុងសន្និបាតបូកសរុបការងារឆ្នាំ២០១៧

ចំណែករ៉ែដែលត្រូវបានប្រទះឃើញ មិនមែនជារ៉ែមាសដូចជាការលើកឡើងដោយព័ត៌មានចចាមអារ៉ាមនោះទេ ប៉ុន្ដែគីជាប្រភេទរ៉ែពីរីត ដែលជាបណ្ដុំនៃសមាសធាតុដែក និងស្ពាន់ធ័រ ហើយមានពណ៌ភ្លឺផ្លេក លឿង ឬស ស្រដៀងនឹងមាស (ខ្មែរខ្លះហៅថាមាសស្រួយ)។

ការបំភ្លឺដូច្នេះ គឺក្រោយក្រសួងរ៉ែ និងថាមពល កាលពីថ្ងៃទី៣ ខែឧសភា ២០១៨ កន្លងទៅ បានបញ្ជូនក្រុមបច្ចេកទេសមួយក្រុម សហការជាមួយនឹងមន្ទីររ៉ែ និងថាមពលខេត្តព្រះសីហនុ និងអាជ្ញាធរស្រុកព្រៃនប់ ចុះទៅអង្កេតសិក្សានៅទីតាំងការដ្ឋានដែលត្រូវផ្សព្វផ្សាយថា បានរកឃើញរ៉ែមាស។

ក្រសួងរ៉ែបានបញ្ជាក់ទៀតថា រ៉ែពីរីតដែលរកឃើញនៅទីតាំងការដ្ឋានជីកដីខាងលើនេះ មានលក្ខណៈស្រទាប់ស្ដើង កម្រាស់មិនលើសពី ២សង់ទីម៉ែត្រ នៅលាយឡំជាមួយធ្យូងថ្ម និងសិលាក្រៃ ដែលពុំមានសក្ដានុពលសេដ្ឋកិច្ច និងមានតម្លៃជីកយកធ្វើអាជីវកម្មនោះទេ៕

អត្ថបទ៖ វាសនា