មន្ទីរពេទ្យកាល់ម៉ែត ប្រកាសជ្រើសរើសគ្រូពេទ្យឯកទេសគ្រប់ជំនាញ

2018-09-27 08:24:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មន្ទីរពេទ្យកាល់ម៉ែត បានប្រកាសរើសគ្រូពេទ្យឯកទេសគ្រប់ជំនាញ ជាពិសេសឯកទេសប្រពោធនកម្ម (Reanimation) ឯកទេសជំងឺទូទៅ (Medicine Interne) ឆ្មប និងគិលានុបដ្ឋាក-យិកា ដែលមានលក្ខណៈសម្បត្តិដូចខាងក្រោម៖

មានសុខភាព និងកាយសម្បទាល្អ
មានរូបសម្បត្តិល្អ និងចរិយាសម្បត្តិថ្លៃថ្នូរ មានអត្តចរិតស្លូតបូតសុភាពរាបសា រួសរាយរាក់ទាក់
ចំពោះគ្រូពេទ្យឯកទេស ត្រូវមានសញ្ញាបត្រវេជ្ជបណ្ឌិតឯកទេសដូចជម្រាបខាងលើ
ចំពោះគិលានុបដ្ឋាក-យិកា ត្រូវមានបរិញ្ញាបត្រ របរិញ្ញាបត្ររងផ្នែកឆ្មប និងគិលានុបដ្ឋាក
ធ្លាប់មានបទពិសោធន៍ក្នុងការងារទំនាក់ទំនងល្អជាមួយអ្នកជំងឺ និងគ្រួសារអ្នកជំងឺ អំឡុងពេលកម្មសិក្សា ឬបំពេញការងារ
មានគំនិតចែករំលែកចំណេះដឹង ធ្វើការងារជាក្រុម មានគំនិតច្នៃប្រឌិត ការងារឲ្យមានការរីកចម្រើនជានិច្ច និងមានជំហរការងារស្វិតស្វាញគ្រប់កាលៈទេសៈ
មានភាពអត់ធ្មត់ ស្មោះត្រង់ ឧស្សាហ៍ព្យាយាម និងទទួលខុសត្រូវខ្ពស់ក្នុងការងារ។

មន្ទីរពេទ្យកាល់ម៉ែត បានបញ្ជាក់ថា បេក្ខជន-បេក្ខនារីដែលចាប់អារម្មណ៍ អាចទៅដាក់ប្រវត្តិរូប (មានបិទរូបថត) និងពាក្យសុំចូលបម្រើការងារ (ជាភាសាខ្មែរ អង់គ្លេស ឬបារាំង) ដោយផ្ទាល់នៅការិយាល័យរដ្ឋបាលនៃមន្ទីរពេទ្យកាល់ម៉ែត រៀងរាល់ថ្ងៃចន្ទ ដល់ថ្ងៃសុក្រ ចាប់ពីម៉ោង ៨ព្រឹក ដល់ម៉ោង ៥រសៀល។ ថ្ងៃផុតកំណត់ទទួលពាក្យនៅថ្ងៃទី១២ ខែវិច្ឆិកា ឆ្នាំ២០១៨។ អ្នកដែលត្រូវបានជ្រើសរើស នឹងត្រូវចូលរួមប្រឡងសំណេរ និងផ្ទាល់មាត់ នៅថ្ងៃទី៣០ ខែវិច្ឆិកា ឆ្នាំ២០១៨៕

អត្ថបទ៖ ឈាង.