អង់គ្លេស គ្រោងផ្ដល់ជំនួយអភិវឌ្ឍលើវិស័យសំខាន់ៗ៤ ដើម្បីជំរុញកំណើនសេដ្ឋកិច្ចកម្ពុជា
- 2018-11-08 06:33:16
- ចំនួនមតិ 0 | ចំនួនចែករំលែក 0
អង់គ្លេស គ្រោងផ្ដល់ជំនួយអភិវឌ្ឍលើវិស័យសំខាន់ៗ៤ ដើម្បីជំរុញកំណើនសេដ្ឋកិច្ចកម្ពុជា
ចន្លោះមិនឃើញ
មន្ត្រីជាន់ខ្ពស់ទទួលបន្ទុកកិច្ចការពាណិជ្ជកម្មនៃចក្រភពអង់គ្លេស ប្រចាំតំបន់អាស៊ីអាគ្នេយ៍ លោក គ្រីស ផូក (Chris Pook) បានឲ្យដឹងថា ចក្រភពអង់គ្លេសមានបំណង ផ្តល់នូវជំនួយហិរញ្ញប្បទាន ដើម្បីគាំទ្រការអនុវត្តគម្រោងសំខាន់ៗនៅក្នុងប្រទេសកម្ពុជា ដូចជាការអភិវឌ្ឍហេដ្ឋារចនាសម្ព័ន្ធ ការបណ្តុះបណ្តាលធនធានមនុស្ស ការលើកកម្ពស់សុខុមាលភាពសាធារណៈ និងការធ្វើទំនើបកម្មបច្ចេកវិទ្យា។
ការលើកឡើងរបស់លោក គ្រីស ផូក ត្រូវបានធ្វើឡើងក្នុងជំនួបពិភាក្សាជាមួយលោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម នៅទីស្តីការក្រសួង កាលពីរសៀលថ្ងៃពុធ ទី០៧ ខែវិច្ឆិកា ឆ្នាំ២០១៨។
សូមជម្រាបថា ទំហំពាណិជ្ជកម្មទ្វេភាគីរវាងកម្ពុជា និងចក្រភពអង់គ្លេស មានវឌ្ឍនភាពគួរឲ្យកត់សម្គាល់។ ក្នុងនោះ ការនាំចេញទំនិញរបស់កម្ពុជា បានកើនឡើងពីទឹកប្រាក់ ៧៥២លានដុល្លារ នៅក្នុងឆ្នាំ២០១៤ ដល់ទឹកប្រាក់ ១០១៤ លានដុល្លារ នៅក្នុងឆ្នាំ២០១៧។ ទន្ទឹមគ្នានេះ ទឹកប្រាក់វិនិយោគពីបរទេស (FDI) របស់អង់គ្លេស មកកម្ពុជា កាលពីឆ្នាំ២០១៧ មានចំនួន ៥៥លានដុល្លារ ដែលធ្វើឲ្យអង់គ្លេស ស្ថិតនៅតែជាប្រទេសមួយ ក្នុងចំណោមប្រទេសចំនួន១០ ដែលបានវិនិយោគច្រើនជាងគេនៅកម្ពុជា៕