អូស្ត្រាលី ទាមទារយុត្តិធម៌ ករណីចិនចាប់ពលរដ្ឋខ្លួន

2019-01-24 04:42:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅថ្ងៃទី២៤ ខែមករា ឆ្នាំ២០១៩នេះ ក្រសួងការបរទេសប្រទេសអូស្ត្រាលី បានទាមទារឲ្យប្រទេសចិន ផ្ដល់តម្លាភាព និងយុត្តិធម៌ ចំពោះករណីរបស់ពលរដ្ឋអូស្ត្រាលី ដែលជាអ្នកនិពន្ធ ត្រូវបានចាប់ខ្លួនដោយអាជ្ញាធរចិន។

អាជ្ញាធរចិន បានជូនដំណឹងទៅកាន់ស្ថានទូតអូស្ត្រាលីប្រចាំប្រទេសចិន នៅក្រុងប៉េកាំង កាលពីយប់ថ្ងៃទី២៣មករា ពីការឃាត់ខ្លួនជនជាតិអូស្ត្រាលី ឈ្មោះ Yang Hengjun ។ បុរសដែលមានវ័យ ៥៣ឆ្នាំនេះ ត្រូវបានមិត្តភ័ក្ដិរបស់គាត់រាយការណ៍ទៅកាន់ស្ថានទូតអូស្ត្រាលីថា បានបាត់ខ្លួន តាំងពីថ្ងៃសុក្រ សប្ដាហ៍កន្លងទៅ ក្រោយទៅដល់ប្រទេសចិន។

លោក Yang Hengjun (រូបថត៖ Reuters)

ក្នុងសេចក្ដីថ្លែងការណ៍មួយ ក្រសួងការបរទេសអូស្ត្រាលី បានបញ្ជាក់ថា មន្ត្រីទូតរបស់ខ្លួន បានជួបពិភាក្សាគ្នាជាមួយអាជ្ញាធរចិន នៅព្រឹកថ្ងៃទី២៤មករានេះ ដើម្បីសុំការបំភ្លឺជុំវិញការចាប់ខ្លួនខាងលើ។

ដោយឡែក ឈ្មោះ Feng Chongyi ដែលត្រូវជាមិត្តភ័ក្តិរបស់លោក Yang បានប្រាប់អ្នកសារព័ត៌មាននៅអូស្ត្រាលីថា លោក Yang ត្រូវបានចាប់ខ្លួននៅក្រុងប៉េកាំង ដោយក្រសួងសន្តិសុខចិន សង្ស័យពាក់ព័ន្ធនឹងអំពើចារកម្ម។ លោកបន្តថា Yang និងភរិយា ត្រូវបានសាកសួរជាង ១២ម៉ោង មុននឹងត្រូវបានដោះលែងវិញ។

សូមជម្រាបថា លោក Yang ជាអតីតមន្ត្រីការទូតរបស់ចិន និងត្រូវបានផ្ដល់សញ្ជាតិកាណាដា កាលពីឆ្នាំ២០០០។

ការចាប់ខ្លួនជនជាតិកាណាដា គឺមុនពេលការធ្វើទស្សនកិច្ចផ្លូវការរបស់រដ្ឋមន្ត្រីការពារជាតិអូស្ដ្រាលី Christopher Pyne នៅក្រុងប៉េកាំង នាថ្ងៃព្រហស្បតិ៍ ទី២៤មករានេះ និងក្រោយប្រហែល ៦សប្ដាហ៍ បន្ទាប់ពីអាជ្ញាធរចិន បានចាប់ខ្លួនជនជាតិកាណាដា ចំនួន ២នាក់ គឺឈ្មោះ Michael Spavor ដែលជាអ្នកជំនួញ និងឈ្មោះ Michael Kovrig ដែលជាអតីតមន្ត្រីទូតកាណាដា ជុំវិញករណី Huawei ៕

អត្ថបទទាក់ទង

ប្រភព៖ South China Morning Post ប្រែសម្រួល៖ លាភ.