កូនប្រុសលោក ព្រុំ សុខា ឡើងជាស្នងការនគរបាលខេត្តព្រៃវែង

2019-02-01 03:28:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកឧត្តមសេនីយ៍ត្រី ព្រុំ សន្ធរ ដែលជាស្នងការរងនគរបាលរាជធានីភ្នំពេញ បានចូលកាន់តំណែងជាស្នងការនគរបាលខេត្តព្រៃវែងហើយ។ ពិធីផ្លាស់ប្តូរមុខតំណែងនេះ ធ្វើឡើងនាព្រឹកថ្ងៃទី១ ខែកុម្ភៈ ឆ្នាំ២០១៩ ក្រោមអធិបតីភាពនាយឧត្តមសេនីយ៍ នេត សាវឿន អគ្គស្នងការនគរបាលជាតិ និងលោក ជា សុមេធី អភិបាលខេត្តព្រៃវែង នៅស្នងការដ្ឋាននគរបាលខេត្តព្រៃវែង។

លោកឧត្តមសេនីយ៍ត្រី ព្រុំ សន្ធរ

លោកឧត្តមសេនីយ៍ត្រី ព្រុំ សន្ធរ ដែលត្រូវជាកូនប្រុសរបស់លោក ព្រុំ សុខា រដ្ឋលេខាធិការក្រសួងមុខងារសាធារណៈ ត្រូវបានតែងតាំងជាស្នងការនគរបាលខេត្តព្រៃវែង ជំនួសលោកឧត្តមសេនីយ៍ទោ ស្រេង ជា ដែលត្រូវចូលនិវត្តន៍។

គួរបញ្ជាក់ថា ស្នងការនគរបាលខេត្តចំនួន០៣រូប ដែលត្រូវដាក់ឲ្យចូលនិវត្តន៍ មានដូចជា៖ ១. លោកឧត្តមសេនីយ៍ទោ ស្រេង ជា ស្នងការនគរបាលខេត្តព្រៃវែង។ ទី២. លោកឧត្តមសេនីយ៍ទោ ជា ចាន់ឌិន ស្នងការនគរបាលខេត្តប៉ៃលិន និងទី៣. លោកឧត្តមសេនីយ៍ ឡុច វណ្ណារ៉ា ស្នងការនគរបាលខេត្តកំពង់ឆ្នាំង។ នេះបើយោងតាមព្រះរាជក្រឹត្យ ចុះថ្ងៃទី២៩ ខែកញ្ញា ឆ្នាំ២០១៨៕