ក្រុមហ៊ុនថៃ១ សន្យាសាងសង់ព្រះពុទ្ធរូបធំជាងគេក្នុងលោក និងរថភ្លើងល្បឿនលឿននៅខេត្តកែប
- 2019-02-04 10:45:39
- ចំនួនមតិ 0 | ចំនួនចែករំលែក 0
ក្រុមហ៊ុនថៃ១ សន្យាសាងសង់ព្រះពុទ្ធរូបធំជាងគេក្នុងលោក និងរថភ្លើងល្បឿនលឿននៅខេត្តកែប
ចន្លោះមិនឃើញ
ក្រុមហ៊ុនវិនិយោគ១មកពីប្រទេសថៃ បានសន្យាថា នឹងសាងសង់ព្រះពុទ្ធរូបដែលមានកម្ពស់ និងទំហំធំជាងគេលើពិភពលោក និងរថភ្លើងដែលមានល្បឿនលឿនពីខេត្តព្រះសីហនុ ទៅកាន់ខេត្តកែប ដើម្បីទាក់ទាញអ្នកទេសចរ។ ការលើកឡើងនេះ ធ្វើឡើងក្នុងជំនួបរវាងថ្នាក់ដឹកនាំក្រុមហ៊ុនថៃ និងលោក កែន សត្ថា អភិបាលខេត្តកែប នារសៀលថ្ងៃទី៤ ខែកុម្ភៈ ឆ្នាំ២០១៩។
បន្ទាប់ពីបានស្តាប់ និងទស្សនាវីដេអូអំពីសក្កានុពលទេសចរណ៍របស់ខេត្តកែប រួចមក គណៈប្រតិភូក្រុមហ៊ុនវិនិយោគរបស់ថៃ ក៏នឹងមានគម្រោងបង្កើតតំបន់ទេសចរណ៍ឱ្យបានទូលាយ និងច្រើនជាងនេះ ដើម្បីទាក់ទាញភ្ញៀវទេសចរបរទេសឱ្យបានច្រើនជាងនេះបន្ថែមទៀតផងដែរ៕