អតីតស្ថាបនិក Apple៖ រឿងស្មាតហ្វូនបត់ Apple លែងដើរមុនគេទៀតហើយ

2019-03-01 08:26:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុន Samsung និង Huawei បានបោះជំហានលើទីផ្សារស្មាតហ្វូនបត់យ៉ាងរហ័សបំផុតនាដើមឆ្នាំ ២០១៩ នេះ ដោយម៉ូឌែល Galaxy Fold និង Mate X ហាក់កំពុងទទួលបានការចាប់អារម្មណ៍ខ្ពស់។ តាមការយល់ឃើញរបស់អតីតស្ថាបនិកក្រុមហ៊ុនផ្លែប៉ោមលោក Steve Wozniak ក៏មានការព្រួយបារម្ភថា Apple អាចនឹងត្រូវដើរតាមគន្លងក្រុមហ៊ុនទាំងពីរ។

មិត្តជិតស្និទ្ធរបស់ Steve Jobs រូបនេះបានសង្កត់ធ្ងន់ថាកន្លងមក Apple ធ្លាប់តែដើរមុនគេ លើបច្ចេកវិទ្យា Touch ID, Face ID និងសូម្បីតែប្រព័ន្ធទូទាត់ទំនិញ Apple Pay ប៉ុន្តែចូលដល់ឆ្នាំ ២០១៩ គ្រប់យ៉ាងក៏មានការផ្លាស់ប្តូរ។

នាកិច្ចសម្ភាសន៍ជាមួយ Bloomberg លោក Wozniak មានប្រសាសន៍ថា៖ "Apple លែងដើរមុនគេទៀតហើយ ជាពិសេសស្មាតហ្វូនបត់បាន ដែលជាហេតុឲ្យខ្ញុំព្រួយបារម្ភ ព្រោះខ្ញុំពិតជាចាប់អារម្មណ៍លើបច្ចេកវិទ្យាថ្មីនេះមែន"។ យ៉ាងណាមិញលោកក៏សង្កត់ធ្ងន់ថាជាញឹកញយ Apple តែងតែមានអ្វីដែលភ្ញាក់ផ្អើល បែបនេះពួកគេអាចកំពុងនឹងសម្ងំអភិវឌ្ឍអ្វីមួយដែលប្លែកក៏ថាបាន។

រំឭកថា Galaxy Fold របស់ Samsung នឹងចាប់លក់ពីខែមេសាតទៅ ក្នុងតម្លៃ ១ ៩៨០ ដុល្លារ ដោយមានអេក្រង់ក្របមុខ ៤,៦ អ៊ីញ និងអេក្រង់ក្នុង ៧,៣ អ៊ីញ ខណៈ Huawei Mate X តម្លៃ ២ ៦០០ ដុល្លារ៕

ប្រភព៖ 9to5Mac ប្រែសម្រួល៖ កៅ រក្សា