អ៊ីស្រាអែល មិនបោះបង់ឡើយ! នាយករដ្ឋមន្រ្តីប្រកាសបញ្ជូនយានអវកាសទៅឋានព្រះចន្ទលើកទី២
- 2019-04-14 13:23:14
- ចំនួនមតិ 0 | ចំនួនចែករំលែក 0
អ៊ីស្រាអែល មិនបោះបង់ឡើយ! នាយករដ្ឋមន្រ្តីប្រកាសបញ្ជូនយានអវកាសទៅឋានព្រះចន្ទលើកទី២
ចន្លោះមិនឃើញ
នាយករដ្ឋមន្រ្តីអ៊ីស្រាអែល លោក Benjamin Netanyahu បានសន្យាកាលពីព្រឹកថ្ងៃទី១៤ ខែមេសា ឆ្នាំ២០១៩ថា រដ្ឋាភិបាលរបស់លោក នឹងបញ្ជូនយានអវកាសចុះចតនៅលើភពព្រះចន្ទជាលើកទី២ បន្ទាប់ពីលើកទី១ បានទទួលរងការបរាជ័យ។
ថ្លែងក្នុងកិច្ចប្រជុំគណៈរដ្ឋមន្រ្តី លោកបញ្ជាក់យ៉ាងដូច្នេះថា៖ «យើងគ្រោងបាញ់បង្ហោះ Beresheet 2។ រដ្ឋអ៊ីស្រាអែល ដែលចូលរួមក្នុងការបាញ់បង្ហោះលើកទី១ នឹងត្រូវធ្វើម្តងទៀត។ ខ្ញុំសង្ឃឹមថា លើកនេះ យើងនឹងទទួលបានជោគជ័យ»។
ការបង្កើតយានអវកាសនេះ គឺក្រោមកិច្ចសហការរួមគ្នារវាងក្រុមហ៊ុនឯកជន SpaceIL និងក្រុមហ៊ុនរដ្ឋ Israel Aerospace Industries ប៉ុន្តែក្រុមហ៊ុន SpaceIL គឺជាផ្តល់មូលនិធិស្ទើរតែទាំងស្រុង។
លោក Morris Kahn ស្ថាបនិកក្រុមហ៊ុន SpacelL បានប្រកាសកាលពីថ្ងៃសៅរ៍ថា ការរៀបចំបេសកកម្មបាញ់បង្ហោះទៅភពព្រះចន្ទជាលើកទី២ នឹងចាប់ផ្តើមនៅចុងសប្តាហ៍ខាងមុខនេះ ដោយយាន Beresheet 2 នឹងព្យាយាមធ្វើឱ្យបានសម្រេច ពោលគឺមិនឱ្យមានបញ្ហាគ្រឿងម៉ាស៊ីនដូចមុនទៀតឡើយ៕