លោក ពូទីន ទម្លាយពីសេចក្តីត្រូវការមួយរបស់លោក គីម ជុងអ៊ុន
- 2019-04-26 04:14:05
- ចំនួនមតិ 0 | ចំនួនចែករំលែក 0
លោក ពូទីន ទម្លាយពីសេចក្តីត្រូវការមួយរបស់លោក គីម ជុងអ៊ុន
ចន្លោះមិនឃើញ
ប្រធានាធិបតីរុស្ស៊ី លោក វ្លាឌីមៀ ពូទីន បានបញ្ជាក់ថា កូរ៉េខាងជើង ត្រូវការការធានាសន្តិសុខអន្តរជាតិ មិនមែនត្រឹមតែការសន្យារបស់សហរដ្ឋអាមេរិកតែប៉ុណ្ណោះទេ ក្នុងការឱ្យប្រទេសនេះ បោះបង់ចោលនុយក្លេអ៊ែរ។ លោកទម្លាយដូច្នេះទៅកាន់អ្នកកាសែត ក្រោយជួបពិភាក្សាជាមួយមេដឹកនាំកូរ៉េខាងជើង លោក គីម ជុងអ៊ុន នៅក្រុង Vladivostok ប្រទេសរុស្ស៊ី កាលពីថ្ងៃទី២៥ ខែមេសា ឆ្នាំ២០១៩។
លោក ពូទីន បន្ថែមថា រុស្ស៊ីនឹងពិភាក្សាអំពីការសម្រាលទណ្ឌកម្ម និងបញ្ហាសន្តិសុខនេះ ជាមួយនឹងសហរដ្ឋអាមេរិក ដើម្បីលុបបំបាត់នុយក្លេអ៊ែរនៅឧបទ្វីបកូរ៉េ។
«លោកប្រធាន គីម ជុងអ៊ុន គឺជាមនុស្សបើកចំហរ គាត់និយាយដោយស្មោះត្រង់អំពីបញ្ហាទាំងអស់លើរបៀបវារៈ ដូចជា ទំនាក់ទំនងទ្វេភាគី ទណ្ឌកម្ម អង្គការសហប្រជាជាតិ ទំនាក់ទំនងរវាងកូរ៉េខាងជើង និងអាមេរិក ហើយអ្វីដែលជាប្រធានបទដ៏សំខាន់បំផុត គឺការបញ្ចប់នុយក្លេអ៊ែរនៅឧបទ្វីបកូរ៉េ»។ នេះជាការបញ្ជាក់បន្ថែមរបស់ប្រធានាធិបតីរុស្ស៊ី៕
អត្ថបទទាក់ទង៖ ពូទីន-គីម ជុងអ៊ុន ចាប់ដៃគ្នាជាលើកដំបូងក្នុងប្រវត្តិសាស្រ្ត តើមេដឹកនាំទាំង២ និយាយអ្វីខ្លះ?