លោក គីម ជុងអ៊ុន ចេះស្ទាត់ភាសាអាល្លឺម៉ង់ តែខ្សោយអង់គ្លេស
- 2019-05-21 02:40:31
- ចំនួនមតិ 0 | ចំនួនចែករំលែក 0
លោក គីម ជុងអ៊ុន ចេះស្ទាត់ភាសាអាល្លឺម៉ង់ តែខ្សោយអង់គ្លេស
ចន្លោះមិនឃើញ
មេដឹកនាំកូរ៉េខាងជើង លោក គីម ជុងអ៊ុន បានបង្ហាញការបារម្ភអំពីការប្រើប្រាស់ភាសាអង់គ្លេសមុនជំនួបជាមួយប្រធានាធិបតីអាមេរិក លោក ដូណាល់ ត្រាំ នៅសិង្ហបុរី កាលពីខែមិថុនា ឆ្នាំ២០១៨។ ការបង្ហាញក្តីបារម្ភនេះ ធ្វើឡើងក្នុងអំឡុងពេលលោក គីម ជុងអ៊ុន បានជួបពិភាក្សាជាមួយប្រធានាធិបតីកូរ៉េខាងត្បូង លោក ម៉ូន ចេអ៊ីន កាលពីខែមេសា ឆ្នាំ២០១៨។ នេះបើតាមការអះអាងរបស់លោក Tak Hyun Min អតីតជំនួយការម្នាក់របស់លោក ម៉ូន ចេអ៊ីន ទៅកាន់កាសែត Korean Kyunghyang Daily។
សូមរំលឹកថា ជំនួបកំពូល ដូណាល់ ត្រាំ-គីម ជុងអ៊ុន ជាប្រវត្តិសាស្រ្តលើកទី១ ធ្វើឡើងនៅសិង្ហបុរី កាលពីថ្ងៃទី១២ ខែមិថុនា ឆ្នាំ២០១៨ និងលើកទី២ នៅក្រុងហាណូយ ប្រទេសវៀតណាម កាលពីខែចុងខែកុម្ភៈ ឆ្នាំ២០១៩៕