Top Scorer នៅលីគខ្មែរ និងលីគថៃ អត់មានកីឡាករក្នុងស្រុកដូចគ្នា

2019-06-04 07:57:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លីគកំពូលកម្ពុជា រដូវកាលឆ្នាំ ២០១៩ នេះ បានឆ្លងផុត ១០សប្ដាហ៍ហើយ។ គិតត្រឹមសប្ដាហ៍ទី ១០ កីឡាករ Okereke Timothy សញ្ជាតិនីហ្សេរីយ៉ា របស់ក្លឹបអង្គរថាយហ្គឺរ ឈរនៅលើគេក្នុងបញ្ជីអ្នកស៊ុតបញ្ចូលទីច្រើនជាងគេ (Top Scorer) ដោយរកបាន ១៤គ្រាប់។

Okereke Timothy (រូបភាព៖ MCL)

ចំណែកអ្នកស៊ុតបញ្ចូលទីច្រើនលំដាប់បន្ទាប់ ចំនួន ៥រូបទៀត ក៏សុទ្ធសឹងជាកីឡាករបរទេសដូចគ្នាដែរ ពោលគឺ DZarma Bata (នីហ្សេរីយ៉ា) របស់ក្រសួងការពារជាតិ រកបាន ១៣គ្រាប់ Esho Omogba (នីហ្សេរីយ៉ា) របស់ណាហ្គាវើល រកបាន ១២គ្រាប់ Privat Mbarga (កាមេរូន) របស់ព្រះខ័នរាជស្វាយរៀង រកបាន ១២គ្រាប់ Athuheire Kipson (រ៉្វាន់ដា) របស់ណាហ្គាវើល រកបាន ៩គ្រាប់ និង Da Cruz (ប្រេស៊ីល) របស់វិសាខា រកបាន ៩គ្រាប់។

ងាកទៅមើលនៅលីគកំពូលថៃ (Thai League 1) ឯណោះវិញ ក៏ដូចគ្នានេះដែរ។ កីឡាករដែលស៊ុតបញ្ចូលទីច្រើនជាងគេ គិតត្រឹមសប្ដាហ៍ទី ១៣ គឺសុទ្ធសឹងតែជាកីឡាករបរទេស ដែលរួមមាន៖ Lukian (ប្រេស៊ីល) របស់ក្លឹប Chonbori រកបាន ១១គ្រាប់, Bonilla (អ៊ែលសាវ៉ាឌ័រ) របស់ក្លឹប Bangkok United រកបាន ១១គ្រាប់, Doumbouya (ហ្គីណេ) របស់ក្លឹប Trat រកបាន ១១គ្រាប់, Leandro Assumpção (ប្រេស៊ីល) របស់ក្លឹប Ratchasima រកបាន ៨គ្រាប់, yannick-boli (កូឌីវ័រ) របស់ក្លឹប Ratchaburi រកបាន ៧គ្រាប់ និង Ibson Melo (ប្រេស៊ីល) របស់ Samut Prakan រកបាន ៧គ្រាប់៕