Toyota INNOVA ស៊េរីឆ្នាំ ២០២០ ចេញថ្ងៃមុនតម្លៃជាង ៥ម៉ឺនដុល្លារ

2019-07-11 02:53:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Toyota INNOVA គឺជារថយន្តប្រភេទ MPV ៧កៅអី ដែលត្រូវបានផលិតឡើងក្នុងការអភិវឌ្ឍន៍ កែច្នៃ ទាំងផ្នែកបច្ចេកវិទ្យា គុណភាព សុវត្ថិភាព និងផាសុកភាព។

ជាប្រភេទរថយន្ត SUV ត្រូវចិត្តសម្រាប់លក្ខណៈគ្រួសារ និងសម្រាប់ប្រភេទ ស្ថាប័នរដ្ឋ សណ្ឋាគារ ធនាគារ ស្ថានទូត ក្រុមហ៊ុនសំណង់ ក្រុមហ៊ុនអចលនទ្រព្យ ក្រុមហ៊ុនទេសចរណ៍ និងអាកាសចរណ៍ ជាដើម។

លក្ខណៈពិសេសរបស់ INNOVA ស៊េរី ២០២០ រួមមាន ៖

ផ្នែកខាងក្រៅ

មានចង្កៀងមុខប្រភេទអំពូល LED
ផ្នែកខាងក្រោយចង្កៀងកាត់អ័ព្ទ LED (Fog Lamp)
រចនាឡើងរូបរាងថ្មី ថាសកង់ទំហំ ១៧អ៊ីញ
កញ្ចក់មើលក្រោយផ្នែកចំហៀងភ្ជាប់ជាមួយភ្លើងសញ្ញា បទឆ្វេង-ស្ដាំ ប្រភេទ LED
ដៃទ្វាររថយន្តក្រូម៉េភ្លឺរលោង ភ្ជាប់ជាមួយប៊ូតុង (Lock/Unlock)
មានអង់តែនវិទ្យុទម្រង់ជាព្រុយត្រីឆ្លាម (Shark Fin) ដែលមានសមត្ថភាពចាប់រលកសញ្ញាបាន ច្បាស់ល្អ។

ផ្នែកខាងក្នុង

ផ្នែកខាងក្នុងរចនាឡើងហ្វូមីកាឈើ ពោរពេញទៅដោយប្រណីតភាព
ប្រព័ន្ធកម្សាន្ត DVD Touch Screen ជាមួយនឹងមុខងារកម្សាន្តផ្សេងៗ
ប៊ូតុងបញ្ជាប្រព័ន្ធកម្សាន្ត បំពាក់នៅលើចង្កូតរថយន្ត
ប្រព័ន្ធបង្ហាញពហុព័ត៌មាន MID ប្រភេទសោឆ្លាតវៃ (Smart Key)
ការបញ្ឆេះនិងពន្លត់ម៉ាស៊ីនជាមួយប៊ូតុង Start/Stop
ម៉ាស៊ីនត្រជាក់ មុខក្រោយ ដំណើរការដោយស្វ័យប្រវត្តិ
អំពូលពិដានលម្អដោយភ្លើងLED ពណ៌ខៀវ ជាលក្ខណៈខ្សែបន្ទាត់
ប្រអប់ត្រជាក់ Cool Box សម្រាប់ក្លាសេភេសជ្ជៈ
កៅអីពូកស្បែកចំនួន៧ ដែលជួរទី ២ប្រភេទ Captain Seat ងាយស្រួលក្នុងការចេញចូល ទៅកៅអីជួរទី៣និង អាចបត់បែនតាមតម្រូវការ
ជើងទម្រកុំព្យូទ័រ (Sit Back Table) កន្លែងដាក់ដបទឹកឬភេសជ្ជៈ ចំនួន 12 កន្លែង មានរន្ធសម្រាប់សាកថ្មទូរស័ព្ទ ផ្នែកខាងក្រោយ។

ប្រព័ន្ធសុវត្ថិភាព

មានបំពាក់ពោងសុវត្ថិភាពចំនួន ៩
ប្រព័ន្ធបើកបរពេលឡើងចំណោត(HAC)
ប្រព័ន្ធគ្រប់គ្រងលំនឹង(VSC)
ប្រព័ន្ធគ្រប់គ្រងទំនាញសកម្ម (TRC)
ប្រព័ន្ធផ្ដល់សញ្ញាពេលមានអាសន្ន(EBS)
ប្រព័ន្ធហ្រ្វាំងសុវត្ថិភាព(ABS)
កាមេរ៉ាក្រោយជាមួយ Sensor ២គ្រាប់ ផ្ដល់សុវត្ថិភាពក្នុងពេលចូលចំណត
ប្រព័ន្ធបែងចែក កម្លាំងសម្ពាធហ្រ្វាំង(EBD) និងប្រព័ន្ធហ្វាំងជំនួយ(BA)។

រថយន្ត Toyota ស៊េរីឆ្នាំ ២០២០ នេះដាក់លក់ក្នុងទីផ្សារប្រទេសកម្ពុជាមានតម្លៃ ៥ ៤៨០០ ដុល្លារ (លើកលែងតែពណ៌សកាំមៃ) និងមានជម្រើសពណ៌ជាច្រើនដូចជា៖ ពណ៌សកាំម៉ៃ ពណ៌សក្បោះ ពណ៌ទឹកប្រាក់ ពណ៌ទឹកមាស ពណ៌ប្រផេះ និងពណ៌ខ្មៅ៕

អត្ថបទ៖ ម៉េងងី