លោក គីម ជុងអ៊ុន ទៅមើលនាវាមុជទឹក ហើយគ្រោងបញ្ចូនទៅសមុទ្រជប៉ុន

2019-07-23 07:53:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មេដឹកនាំកូរ៉េខាងជើង លោក គីម ជុងអ៊ុន បានទៅត្រួតពិនិត្យនាវាមុជទឹកថ្មីមួយ ដើម្បីស្វែងយល់ពីរបៀបប្រតិបត្តិការ ទិន្នន័យ និងប្រព័ន្ធសព្វាវុធប្រយុទ្ធ។ នេះបើតាមការចុះផ្សាយរបស់ទីភ្នាក់ងារព័ត៌មានកូរ៉េខាងជើង KCNA នៅថ្ងៃទី២៣ ខែកក្កដា ឆ្នាំ២០១៩។ ទីតាំងនាវានេះ មិនត្រូវបានបង្ហាញឡើយ។

រូបថត៖ KCNA

សារព័ត៌មានដដែលបានបញ្ជាក់ថា នាវាមុជទឹកនេះ នឹងត្រូវបញ្ជូនទៅសមុទ្រខាងកើត ដែលត្រូវបានគេស្គាល់ថា ជាសមុទ្រជប៉ុន ប៉ុន្តែមិនផ្តល់ព័ត៌មានលម្អិតឡើយ។

ការចុះពិនិត្យនាវាមុជទឹករបស់លោក គីម ជុងអ៊ុន ធ្វើឡើង១សប្តាហ៍បន្ទាប់ពីកូរ៉េខាងជើង បានព្រមានចំពោះគម្រោងធ្វើសមយុទ្ធរវាងកូរ៉េខាងត្បូង និងអាមេរិក។ ក្រុងព្យុងយ៉ាងព្រមានថា សមយុទ្ធនេះនឹងប៉ះពាល់ដល់ការចរចារវាងកូរ៉េខាងជើង និងអាមេរិក ក្រោយមេដឹកនាំទាំងពីរបានជួបពិភាក្សាគ្នានៅតំបន់ព្រំដែនកូរ៉េកាលពីចុងខែមិថុនាកន្លងទៅ៕

ប្រភព៖ Channelnewsasia ប្រែសម្រួល៖ សំភី