នាយករដ្ឋមន្រ្ដីថ្មីរបស់អង់គ្លេស Boris Johnson ផ្ដោតលើរឿង ៣ ជាអាទិភាព

2019-07-24 01:56:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Boris Johnson នឹងចាប់ផ្ដើមដំណើរការបង្កើតរដ្ឋាភិបាលថ្មីភ្លាមៗ បន្ទាប់ពីលោកចូលកាន់តំណែងនាយករដ្ឋមន្រ្ដីអង់គ្លេស ជំនួសលោកស្រី Theresa May។ អាទិភាពចម្បងដែលលោក Johnson ត្រូវធ្វើ គឺនាំអង់គ្លេសចាកចេញពីសហភាពអឺរ៉ុប (Brexit) បង្រួបបង្រួមប្រទេស និងយកឈ្នះមេបក្សប្រឆាំង Labour Party លោក Jeremy Corbyn។

លោក Boris Johnson (រូបភាព៖ PA)

ប្រធានថ្មីនៃគណបក្សអភិរក្សនិយម វ័យ៥៥ឆ្នាំ នឹងចូលរិមានរដ្ឋាភិបាលនាល្ងាចថ្ងៃពុធនេះ ពោលគឺបន្ទាប់ពីលោកចូលជួបម្ចាស់ក្សត្រី Elizabeth នៅរាជវាំង Buckingham។

ក្រោយចូលវិមានរដ្ឋាភិបាលរួច បុរសដែលមានសញ្ជាតិ ២ គឺអង់គ្លេស និងអាមេរិកាំងរូបនេះ នឹងប្រកាសសមាជិកគណៈរដ្ឋមន្រ្ដីថ្មី ដែលគេរំពឹងថានឹងអាចមានចំនួនស្រ្ដីច្រើនជាងមុន និងជាពីសេសគឺមានតំណាងមកពីក្រុមជនជាតិភាគតិច។

សូមបញ្ជាក់ថា លោក Johnson បានយកឈ្នះគូប្រជែង Jeremy Hunt ដោយទទួលសំឡេងឆ្នោត ៦៦,៤% ពីសមាជិកគណបក្សអភិរក្សនិយម។

លោក Johnson ដែលជាអតីតអភិបាលក្រុងឡុងដុន រំពឹងថានឹងថ្លែងសន្ទរកថាជាលើកដំបូង នៅក្រៅវិមានរដ្ឋាភិបាល នាវេលាម៉ោង ៤រសៀល (ត្រូវនឹងម៉ោង ១០យប់នៅកម្ពុជា) ថ្ងៃពុធនេះ បន្ទាប់ពីលោកស្រី Theresa May ដាក់ពាក្យលាលែងពីតំណែងជាផ្លូវការនៅរាជវាំង Buckingham៕

ប្រភព៖ BBC អត្ថបទ៖ ឈិន មិថុនា