សម្ដេច ហ៊ុន សែន បង្ហាញចំនួនទឹកប្រាក់វិនិយោគពាណិជ្ជកម្ម ជាមួយជប៉ុន ២ឆ្នាំចុងក្រោយ

2019-08-13 06:03:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្ដេច ហ៊ុន សែន បានទទួលជួបពិភាក្សាការងារជាមួយលោក ហ៊ីដេហ៊ីសា អូរីណូអ៊ូជី (Hidehisa Hironouchi) ឯកអគ្គរាជទូតជប៉ុន ដែលត្រូវចប់បេសកកម្មការទូតនៅប្រទេសកម្ពុជា នៅព្រឹកថ្ងៃទី១៣ ខែសីហា ឆ្នាំ២០១៩ ដោយធ្វើឡើងនៅវិមានសន្តិភាព រាជធានីភ្នំពេញ។

សម្ដេច ហ៊ុន សែន បានថ្លែងថាការវិនិយោគ ពាណិជ្ជកម្ម ក៏ដូចជាទេសចរណ៍ដែរបានកើនឡើងយ៉ាងខ្លាំង ដែលទទួលបានអំពីការប្រឹងប្រែងរបស់ អគ្គរាជទូតជប៉ុននៅព្រះរាជាណាចក្រកម្ពុជា ចូលរួមចំណែកយ៉ាងធំ នៅក្នុងបញ្ហានេះ។

សម្ដេចបានបន្តទៀតថា ការវិនិយោគនិងពាណិជ្ជកម្ម រវាងប្រទេសទាំងពីរកាលពីឆ្នាំ ២០១៨ ជប៉ុននាំចូលមកកម្ពុជា មានទំហំទឹកប្រាក់ប្រមាណជា ៤៤០លានដុល្លារ ប៉ុណ្ណេះ និងនៅឆ្នាំ ២០១៩នេះ ក្នុងរយៈពេលត្រឹមតែ ៥ខែប៉ុណ្ណោះ ជប៉ុនបាននាំចូលមកកម្ពុជាយើងចំនួនទឹកប្រាក់ ៤៤០ លានដុល្លារ។

ដោយឡែកនៅឆ្នាំ ២០១៨ កម្ពុជាក៏បាននាំចេញទៅប្រទេសជប៉ុនមានទំហំទឹកប្រាក់ប្រមាណ ១៦០០លានដុល្លារ។ នៅក្នុងឆ្នាំ ២០១៩នេះវិញ រយៈពេលត្រឹមតែ ៥ខែប៉ុណ្ណោះ ទំហំពាណិជ្ជកម្មកម្ពុជានាំចេញទៅជប៉ុនបានកើនឡើងដល់ ១៧០០លានដុល្លារ។

នេះគឺជាជោគជ័យដ៏ធំនៅក្នុងបេសកកម្មការទូតរបស់ឯកឧត្តមឯកអគ្គរាជទូតក្នុងការពង្រឹងទំនាក់ទំនង ហើយជំរុញពាណិជ្ជកម្ម វិនិយោគ និងទេសចរណ៍ ដែលជាមូលដ្ឋានគ្រឹះ នៃទំនាក់ទំនងរវាងប្រទេសទាំងពីរ៕

អត្ថបទ៖ ម៉េងងី