រឿងដែល EU ថាចិនជាគូប្រជែង! លោក ស៊ី ជិនពីង តេទូរសព្ទទៅបញ្ជាក់ EU វិញហើយ
- 2019-12-12 07:18:47
- ចំនួនមតិ 0 | ចំនួនចែករំលែក 0
រឿងដែល EU ថាចិនជាគូប្រជែង! លោក ស៊ី ជិនពីង តេទូរសព្ទទៅបញ្ជាក់ EU វិញហើយ
ចន្លោះមិនឃើញ
ប្រធានាធិបតីចិន លោក ស៊ី ជិនពីង បានតេទូរសព្ទទៅលោក Charles Michel ប្រធានក្រុមប្រឹក្សាអឺរ៉ុប ដោយបញ្ជាក់ថា ការអភិវឌ្ឍរបស់ចិន ពុំមែនជាការគំរាមកំហែងទេ ប៉ុន្តែវាគឺជាឱកាសរបស់ EU ទៅវិញទេ។ នេះបើតាមរបាយការណ៍ដែលចេញផ្សាយដោយក្រសួងការបរទេសចិន កាលពីថ្ងៃទី៩ ខែធ្នូ ឆ្នាំ២០១៩។
លោក ស៊ី ជិនពីង បានប្រាប់យ៉ាងដូច្នេះថា៖ «ចិនបានពិនិត្យឃើញនូវទំនាក់ទំនងរបស់ខ្លួនជាមួយ EU ក្នុងរយៈពេលវែង និងជាដៃគូយុទ្ធសាស្រ្តកម្រិតខ្ពស់។ ចិន និង EU គឺជាដៃគូដែលផ្តល់ផលប្រយោជន៍ឱ្យគ្នាទៅវិញទៅមក មិនមែនជាគូប្រកួតប្រជែងឡើយ។ ការអភិវឌ្ឍរបស់ចិន គឺជាឱកាសរបស់ EU»។
លោកបន្ថែមថា ចិនប្តេជ្ញាបន្តធ្វើការជាមួយ EU ក្នុងការជំរុញធ្វើកំណែទម្រង់អង្គការពាណិជ្ជកម្មពិភពលោក។
ចំណែកលោក Charles Michel បានប្រាប់លោក ស៊ី ជិនពីង វិញថា ចិន និង EU មានការផ្លាស់ប្តូរ និងសហប្រតិបត្តិការកម្រិតខ្ពស់ដ៏សំខាន់ជាបន្តបន្ទាប់។
សូមជម្រាបថា ក្នុងឯកសារយុទ្ធសាស្រ្តមួយរបស់ EU កាលពីថ្មីៗនេះ បង្ហាញថា EU បានដាក់ប្រទេសចិន ជាគូប្រកួតប្រជែងដ៏ខ្លាំងក្លា ក្នុងខណៈដែលឥទ្ធិពលរបស់ចិន នៅអឺរ៉ុបបានកើនឡើងជាបន្តបន្ទាប់៕