ពូទីន៖ ពីមុន អាមេរិក នាំមុខរុស្ស៊ី លើគ្រាប់បែកអាតូមិច តែឥឡូវរុស្ស៊ីនាំមុខគេ លើអាវុធប្រភេទនេះវិញម្តង
- 2019-12-25 02:21:54
- ចំនួនមតិ 0 | ចំនួនចែករំលែក 0
ពូទីន៖ ពីមុន អាមេរិក នាំមុខរុស្ស៊ី លើគ្រាប់បែកអាតូមិច តែឥឡូវរុស្ស៊ីនាំមុខគេ លើអាវុធប្រភេទនេះវិញម្តង
ចន្លោះមិនឃើញ
លោក វ្លាឌីមៀ ពូទីន ប្រធានាធិបតីរុស្ស៊ី បានកត់សម្គាល់ថា ក្នុងអំឡុងសម័យសង្គ្រាមត្រជាក់ សហភាពសូវៀត តាមពីក្រោយអាមេរិក ក្នុងការផលិតអាវុធគ្រាប់បែកអាតូមិច និងយន្តហោះទម្លាក់គ្រាប់បែក ប៉ុន្តែបច្ចុប្បន្ននេះ រុស្ស៊ីកំពុងនាំមុខគេក្នុងពិភពលោកវិញម្តង លើអាវុធប្រភេទលឿនជាងសំឡេង (hypersonic weapons)។ ការថ្លែងនេះ ធ្វើឡើងក្នុងកិច្ចប្រជុំជាមួយមេយោធារុស្ស៊ី នៅក្រុងមូស្គូ កាលពីថ្ងៃទី២៤ ខែធ្នូ ឆ្នាំ២០១៩។
លោកលើកឡើងថា រុស្ស៊ី មានបច្ចេកវិទ្យាឈានមុខគេក្នុងការផលិតអាវុធថ្មីនេះ ពោលគឺរុស្ស៊ីបានក្លាយជាប្រទេសតែមួយគត់ក្នុងពិភពលោកដែលអាចចល័តអាវុធឆ្លងទ្វីបនេះបាន។
គួរដឹងដែរថា អាមេរិក កំពុងខិតខំប្រឹងប្រែងធ្វើការអភិវឌ្ឍអាវុធលឿនជាងសំឡេង ក្នុងប៉ុន្មានឆ្នាំចុងក្រោយនេះ ដោយក្រសួងការពារជាតិអាមេរិករំពឹងថា នឹងអាចសម្រេចបាននៅពីរបីឆ្នាំខាងមុខនេះ។ អាមេរិកក៏បានបង្ហាញពីក្តីបារម្ភផងដែរថា មីស៊ីលលឿនជាងសំឡេងដែលអភិវឌ្ឍដោយរុស្ស៊ី និងចិន មិនងាយស្រួលសម្រាប់ខ្លួនក្នុងការចាប់សញ្ញាបាន និងកម្ទេចចោល៕