មកដឹងពីជំងឺ Karoshi ឬការប្រឹងធ្វើការពេក ដ៏កាចសាហាវកំពុងវាយប្រហារនៅជប៉ុន
- 2019-12-26 06:45:00
- ចំនួនមតិ 0 | ចំនួនចែករំលែក 0
មកដឹងពីជំងឺ Karoshi ឬការប្រឹងធ្វើការពេក ដ៏កាចសាហាវកំពុងវាយប្រហារនៅជប៉ុន
ចន្លោះមិនឃើញ
ចេញទៅធ្វើការពីព្រលឹម ចូលផ្ទះពេលព្រលប់ តើអ្នកមានបានដឹងដែរទេថា អ្នកមិនបានគេងគ្រប់គ្រាន់ក្នុងមួយថ្ងៃៗ។ មិនមានពេលសម្រាកគ្រប់គ្រាន់ បូករួមជាមួយនឹងការនឿយហត់និងសម្ពាធការងារអស់ទាំងនេះហើយដែលជាហានិភ័យនៃជំងឺ Karoshi ឬគេហៅថា ការជក់ធ្វើការរហូតដ៏បាត់បង់ជីវិត។ ការប្រឹងធ្វើការគឺជារឿងល្អ តែស្របពេលនោះដែរ ការមិនបានយកចិត្តទុកដាក់ពីសុខភាពខ្លួនឯងនឹងជះឥទ្ធិពលខ្លាំងមកលើអ្នកផ្ទាល់។
ពាក្យនៃជំងឺមួយនេះគឺចាប់ផ្តើមនៅក្នុងប្រទេសជប៉ុន។ បុគ្គលិកស្ថានីយន៍ទូរទស្សន៍ដ៏ល្បីល្បាញមួយរូបស្រីវ័យ ៣១ ឆ្នាំ បានបាត់បង់ជីវិតដោយសារជំងឺខ្សោយបេះដូង ទោះបីជានាងមានអាយុ ៣១ ឆ្នាំក៏ដោយ។ ក្រោយមកទៀតគេក៏បានដឹងថា ស្ត្រីរូបនេះធ្លាប់ប្រឹងធ្វើការលើសម៉ោងកាលពីមុន។
ហេតុដូចនេះហើយ Karoshi ឬការប្រឹងធ្វើការពេក ឬមនុស្សមួយចំនួនផ្សេងទៀត ការជក់ធ្វើការពេក វាក៏មិនអាចហៅថាជាជំងឺមួយជាក់លាក់ដែរ តែផ្ទុយទៅវិញ វាជាលក្ខខណ្ឌមួយដែលរាងកាយហត់នឿយខ្លាំងហួសហេតុរហូតដល់បាត់បង់ជីវិត។
មូលហេតុនៃជំងឺ Karoshi
បើនិយាយពីពាក្យសាមញ្ញ ជំងឺមួយនេះគឺកើតឡើងដោយសារការប្រឹងធ្វើការពេកដោយមិនមានពេលសម្រាក ពោលគឺទាំងរាងកាយនិងចិត្ត។ ប្រសិនបើអ្នកមានលក្ខណៈដូចខាងក្រោម អ្នកអាចប្រឈមមុខនឹងជំងឺនេះរួមមាន៖
_ ការធ្វើការលើសម៉ោងក្នុងរយៈពេលយូរ។
_ ការចាប់ផ្តើមធ្វើការពីព្រលឹម ចេញពីធ្វើការយឺតរយៈពេលយូរ។
_ មិនដែលសុំច្បាប់ឈឺឬពេលឈប់សម្រាក។
_ ស្ថិតនៅក្នុងស្ថានភាពតឹងតែង មិនមានពេលអ្វីកក្រៅពីគិតតែពីរឿងការងារ។
_ មានបញ្ហាការគេងមិនលក់។
_ មិនមានពេលជួបជាមួយមនុស្សជាទីស្រឡាញ់ ក្រុមគ្រួសារ និងមិត្តភ័ក្តិ។
ធ្វើយ៉ាងណាដើម្បីមិនឲ្យមានជំងឺនេះ
_ ធ្វើការងារទុកមុនចំពោះការងារណាដែលចាំបាច់ទៅបានហើយ។
_ គេងឲ្យបានគ្រប់គ្រាន់ ពី ៧ ទៅ ៩ ម៉ៅងក្នុងមួយថ្ងៃ។
_ បើអ្នកមានបញ្ហាគេងមិនលក់គួរពិភាក្សាជាមួយវេជ្ជបណ្ឌិត។
_ រកពេលវេលាសម្រាប់ឲ្យខួរក្បាលបានសម្រាក ដូចជាស្តាប់ចម្រៀង មើលរឿង ដើរលេងជាដើម។ ជួបជុំជាមួយមិត្តភ័ក្តិនិងគ្រួសារ។
_ ប្រសិនបើដឹងថាការងារនោះមានសម្ពាធពេក រកអ្នកពិភាក្សាឬប្តូរការងារតែម្តងក៏បាន។ ធ្វើបែបនេះហ្នឹងធ្វើឲ្យខួរក្បាលនិងរាងកាយរបស់អ្នកបានប្រសើរ៕
រូបភាព៖ Pinterest, istock
ចុចអានបន្ត៖
កំពុងផ្សាយផ្ទាល់ទូរទស្សន៍ ពិធីការិនីស្រាប់តែលោតកន្ត្រាក់ពេលដឹងថាខ្លួនជាអ្នកត្រូវឆ្នោត