ស្នងការរាជធានី ស្នើឲ្យកម្លាំងនគរបាល និងប្រជាពលរដ្ឋចូលរួមគោរពច្បាប់ចរាចរណ៍

2019-12-30 04:22:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និង ជាស្នងការនគរបាលរាជធានីភ្នំពេញ បានអំពាវនាវឲ្យកម្លាំងនគរបាល ក្រោមឱវាទ និងប្រជាពលរដ្ឋ ចូលរួមគោរពច្បាប់ចរាចរណ៍ ឱ្យបានម៉ឺងម៉ាត់ ដើម្បីការពារអាយុជីវិត។ ការអំពាវនាវនេះ បានធ្វើឡើងក្នុងពិធី ប្រមូលផ្តុំ កម្លាំងនគរបាល រាជធានីភ្នំពេញ ក្នុងឱកាសគោរព ទង់ជាតិ នៅថ្ងៃទី៣០ ខែធ្នូ ឆ្នាំ២០១៩។

ការអំពាវនាវឲ្យកម្លាំងនគរបាល និងប្រជាពលរដ្ឋគោរពច្បាប់ចរាចរណ៍ គឺខណៈពេលដែលរបាយការណ៍បានបង្ហាញថា នៅឆ្នាំ២០១៩ អត្រាគ្រោះថ្នាក់ចរាចរណ៍បានកើតឡើង នៅរាជធានីភ្នំពេញ មានការកើនឡើងគួរឱ្យព្រួយបារម្ភ។

ពាក់ព័ន្ធបញ្ហាគ្រោះថ្នាក់ចរាចរណ៍នេះផងដែរ លោកឧត្តមសេនីយ៍ឯក ស ថេត បានជម្រុញមន្ត្រីនគរបាលដែលជាមន្ត្រីអនុវត្តច្បាប់ត្រូវគោរពច្បាប់ចរាណ៍ដើម្បីជាគំរូល្អសម្រាប់ប្រជាពលរដ្ឋនិងជម្រុញឱ្យមានការផ្សព្វផ្សាសអប់រំទៅដល់កូនចៅនិងប្រជាពលរដ្ឋឱ្យបានយល់ដឹងទូលំទូលាយអំពីសារសំខាន់នៃច្បាប់ចរាចរណ៍ផ្លូវគោកដើម្បីនាំគ្នាចូលរួមគោរច្បាប់ចរាចរណ៍ ដោយរក្សាឱ្យបានសុវតត្ថិភាព អាយុជីវិត និងទ្រព្យសម្បត្តិ។

យោងតាមរបាយការណ៍របស់ស្នងការដ្ឋាននគរបាលរាជធានីភ្នំពេញបានបង្ហាញឱ្យដឹងថា នៅឆ្នាំ២០១៩ អត្រាគ្រោះថ្នាក់ចរាចរណ៍កើតឡើងចំនួន ១,៦០៨លើក បើប្រៀបធៀបនៅឆ្នាំ២០១៨ កើតឡើង៦៧១លើក ដោយមានការកើនឡើងចំនួន៩៣៧លើក។ បណ្តាលឱ្យមនុស្សស្លាប់ ៣៣៨នាក់, រងរបួសធ្ងន់១,១៦៣នាក់ និងរងរបួសស្រាល៥៩៦នាក់។ មូលហេតុនៃការកើតឡើងគ្រោះថ្នាក់ចរាចរណ៍ដោយសារការបើកបរយានយន្តប្រើប្រាស់ល្បឿនលឿន,មិនប្រកាន់ស្តាំ, បើកបរក្នុងស្ថានភាពស្រវឹង,មិនគោរពអទិភាព,មិនគោរពភ្លើងសញ្ញា,បើកបរធ្វេសប្រហែស,បើកបរបញ្ច្រាសទិ និងបើកបរប្រជែងគ្មានការប្រុងប្រយ័ត្ន៕

អត្ថបទ៖ ម៉េងងី