លោក ពូទីន នឹងទៅធ្វើទស្សនកិច្ចនៅប្រទេសចិន ទោះកំពុងផ្ទុះវីរុសកូរ៉ូណា
- 2020-02-05 02:18:38
- ចំនួនមតិ 0 | ចំនួនចែករំលែក 0
លោក ពូទីន នឹងទៅធ្វើទស្សនកិច្ចនៅប្រទេសចិន ទោះកំពុងផ្ទុះវីរុសកូរ៉ូណា
ចន្លោះមិនឃើញ
ប្រធានាធិបតីរុស្ស៊ី លោក វ្លាឌីមៀ ពូទីន នឹងធ្វើទស្សនកិច្ចនៅប្រទេសចិន តាមការគ្រោងទុក នាពាក់កណ្តាលឆ្នាំ២០២០ខាងមុខនេះ បើទោះបីជាបច្ចុប្បន្នកំពុងមានការផ្ទុះករណីវីរុសកូរ៉ូណា យ៉ាងណាក៏ដោយ។ នេះបើតាមការបញ្ជាក់ឱ្យដឹងពីលោក Dmitry Peskov អ្នកនាំពាក្យវិមានគ្រែមលីន កាលពីថ្ងៃទី៤ ខែកុម្ភៈ ឆ្នាំ២០២០។
ជាមួយគ្នានេះ លោក ពូទីន ក៏បានបង្ហាញការជឿជាក់ដែរថា ចិននឹងអាចដោះស្រាយស្ថានភាពដ៏អាក្រក់ដែលបង្កឡើងដោយជំងឺនេះ ហើយរុស្ស៊ីនឹងធ្វើឱ្យបានល្អប្រសើរបំផុតក្នុងការគាំទ្រចិន ដើម្បីប្រយុទ្ធនឹងជំងឺនេះ។
យ៉ាងណាក៏ដោយ អ្នកជំនាញមកពីសាកលវិទ្យាល័យ Moscow State បានលើកឡើងថា លោក ពូទីន មិនអាចលុបចោលដំណើរទស្សនកិច្ចនៅប្រទេសចិនបានឡើយ ព្រោះមូលហេតុ២។ ទីមួយ វីរុសកូរ៉ូណា នឹងកាន់តែចុះខ្សោយ ឬអាចវិលទៅសភាពធម្មតា ក្នុងរយៈពេលប៉ុន្មានខែមុខនេះ។ ទី២ គឺដោយសារតែទំនាក់ដ៏ស្អិតរមួតរវាងប្រទេសទាំងពីរ៕