ស្ត្រីគួរលាងប្រដាប់ភេទភ្លាមៗអត់ ក្រោយពេលរួមភេទរួច?

2020-02-06 09:14:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មនុស្សស្រីមួយចំនួនមិនបានដឹងអំពីអនាម័យផ្លូវភេទនៅឡើយទេថាតើពួកគេត្រូវធ្វើអ្វីខ្លះ បន្ទាប់ពីរួមចំណងមេត្រីជាមួយនឹងដៃគូរួច? បើតាមអ្នកជំនាញ ជាជំហានដំបូងក្រោយពីរួមភេទរួច ស្ត្រីគួរតែងូតទឹកសម្អាតខ្លួន ដើម្បីបង្ការបញ្ហាជំងឺឆ្លងនានា។

អំឡុងពេលរួមភេទ ពពួកបាក់តេរីនឹងកកើតមានឡើងនៅក្នុងតំបន់ពិសេសរបស់ស្ត្រី។ ហេតុដូច្នេះហើយការងូតទឹកសម្អាតខ្លួនគឺជារឿងល្អបំផុត ដើម្បីកម្ចាត់មេរោគអាក្រក់ទាំងនោះចេញ។ យ៉ាងណាមិញ មិនគួរប្រើប្រាស់សាប៊ូសម្អាតភ្លាមៗនោះទេ ដោយសារតែកម្រិតអាស៊ីតរបស់សាប៊ូ (pH) អាចបង្កជាបញ្ហារលាក ឬហើមបាន។ មួយវិញទៀត គួរជៀសវាងផងដែរនូវការងូតទឹកក្ដៅ។ ក្រោយរួមភេទ ទ្វារមាសនឹងរីកធំជាងមុន ដូច្នេះគប្បីកុំប្រើទឹកក្ដៅសម្អាតរាងកាយឡើយ។

ក្រៅពីការងូតទឹក ក៏នៅមានរឿងរ៉ាវមួយចំនួនទៀតដែលស្ត្រីគួរធ្វើផងដែរ៖

ទទួលទានទឹក៖ ទឹកដែលអ្នកផឹកនឹងបញ្ចេញចោលទៅវិញតាមតម្រង់នោម។ ការនោមនេះឯងនឹងជួយឲ្យស្ត្រីបញ្ចេញនូវពពួកបាក់តេរីអាក្រក់ទៅជាមួយដែរ។
ញ៉ាំអាហារដែលមានប្រូបាយអូទីក៖ អាហារទាំងនេះមានដូចជា ទឹកដោះគោជូរ ចេក ផ្លែគីវី ឬទឹកឃ្មុំ ជាដើម។ ពួកវានឹងជួយបង្កើតនូវពពួកបាក់តេរីល្អ និងមានប្រយោជន៍ ក្នុងការប្រឆាំងទៅនឹងការចម្លងមេរោគនានានៅតំបន់ពិសេសរបស់ស្ត្រីបាន។
ស្លៀកខោក្នុងដែលមានផាសុកភាព៖ គួរជ្រើសរើសខោក្នុងដែលអាចបញ្ចេញខ្យល់ចេញចូលបាន ពោលគឺកុំឲ្យហប់ពេក។
កុំប្រើក្រណាត់សើមសម្អាតប្រដាប់ភេទ៖ សម្អាតប្រដាប់ភេទតែជាមួយទឹកស្អាតធម្មតាគឺជារឿងល្អហើយ។ ជាងនេះទៀត គួរប្រើម៉ាស៊ីនសម្ងួតបាញ់ផ្លុំកន្លែងពិសេសឲ្យស្ងួត៕