ក្រុម Ronaldo និង Zlatan ប្រកួតចុងក្រោយចាញ់ដូចគ្នា ចុះពាន Coppa យប់នេះ?
- 2020-02-13 09:16:07
- ចំនួនមតិ 0 | ចំនួនចែករំលែក 0
ក្រុម Ronaldo និង Zlatan ប្រកួតចុងក្រោយចាញ់ដូចគ្នា ចុះពាន Coppa យប់នេះ?
ចន្លោះមិនឃើញ
ក្នុងជំនួបដណ្ដើមពានរង្វាន់ Copa Italia ជើងទី១ វគ្គពាក់កណ្តាលផ្តាច់ព្រ័ត្រ នៅរាត្រីថ្ងៃព្រហស្បតិ៍ម៉ោង ២:៤៥ នាទីរំលងនេះ ក្រុមម្ចាស់ផ្ទះ AC Milan នឹងបើកទ្វារកីឡដ្ឋាន San Siro ទទួលសេះបង្កង់ Juventus ដើម្បីសម្រេចជោគវាសនាក្រុមណាឡើងទៅវគ្គផ្តាច់ព្រ័ត្រ បន្តយកពានក្នុងស្រុកមួយនេះ។
ខាងក្រោមជាស្ថិតមួយចំនួនរវាងក្រុមទាំងពីរនឹងប៉ះគ្នាយប់នេះ៖
-Juventus ចាញ់ Verona ១-២ ប្រកួតចុងក្រោយនៅពានលីគ
-AC Milan ចាញ់ Inter ២-៤ ប្រកួតចុងក្រោយនៅពានលីគ
-៩ ប្រកួតចុងក្រោយ ពេលប៉ះគ្នា AC ចាញ់ Juv ទាំងអស់(គិតគ្រប់ការកម្មវិធី)
-ក្នុងផ្ទះ San Siro ៧ ប្រកួតចុងក្រោយរបស់ AC រដូវកាល ២០១៩-២០២០ ឈ្នះទាំងអស់
-កីឡាករចាស់វស្សាទាំងពីរនឹងជួបគ្នាជាថ្មី ក្រោយខកខានតាំងពីឆ្នាំ ២០១៥ មកម្ល៉េះ។
បើប្រៀបធៀបគ្នា(គិត Head to head) ភាគរយកីឡាករទាំងពីរគឺ Ronaldo ឈ្នះ ៤ ដង ស៊ុតចូល ៥ គ្រាប់ ឯ Zlatan ឈ្នះ ១ ដងស៊ុតចូលបាន ៣ គ្រាប់។
(សរុបទាំងក្លឹបនិងជម្រើសជាតិ) Ronaldo ចូលលេង ៩៩៦ ប្រកួតស៊ុតចូលឲ្យក្លឹប ៦២៤ គ្រាប់ឲ្យជម្រើសជាតិ ៩៩ គ្រាប់សរុបទាំងអស់ ៧២៣ គ្រាប់។ Zlatan ចូលលេង ៩០៣ ប្រកួតស៊ុតចូលឲ្យក្លឹប ៤៧៣ គ្រាប់ឲ្យជម្រើសជាតិ ៦២ គ្រាប់សរុបទាំងអស់ ៥៣៥ គ្រាប់។
ជម្រាបជូនថា Inter Milan ប្រកួតចាញ់ក្រុម Napoli ដោយលទ្ធផល ០-១ នៅជើងទី ១ នឹងត្រូវសងសឹកគ្នា នៅជើងទី ២ នៅថ្ងៃទី ៦ ខែមីនាឆ្នាំ ២០២០ រកក្រុមឡើងទៅវគ្គផ្តាច់ព្រ័ត្រ៕