នៅថៃ ទិញកាហ្វេមួយកែវ អាចចូលទស្សនាសារមន្ទីរសិចដោយឥតគិតថ្លៃ

2020-02-17 00:55:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្ថិតនៅលើផ្លូវ Thonglor ទីក្រុងបាងកក ប្រទេសថៃ មានការបង្កើតសារមន្ទីរអាសអាភាសចំនួន ២កន្លែង ដែលមានឈ្មោះថា Kamavijitra: Siam Erotic Art បង្កើតឡើងកាលពី៧ឆ្នាំមុន និងឈ្មោះ Museum of Sex បង្កើតកាលពីខែធ្នូ ឆ្នាំ២០១៨កន្លងទៅ។ សារមន្ទីរទាំងនេះគឺជាស្នាដៃបង្កើតដោយលោក Watjanasin Charuwattanakitti វ័យ៤០ឆ្នាំ។ ម្ចាស់សារមន្ទីរ បានរៀបរាប់ថា គំនិតបង្កើតឲ្យមានកន្លែងទាំង២នេះក៏ព្រោះតែចង់ដើរតាមគន្លងឪពុករបស់លោក ដែលចូលចិត្តប្រមែប្រមូលទុកវត្ថុជាសិល្បៈសិច ហើយណាមួយលោកធ្លាប់បានធ្វើដំណើរទៅកាន់សារមន្ទីរសិចល្បីៗជាច្រើននៅលើពិភពលោក ក៏បែកគំនិតយ៉ាងដូច្នេះឡើង។

នៅក្នុងសារមន្ទីរក្ដៅសាច់នេះ មានតាំងបង្ហាញដូចជា គំនូរ ទស្សនាវដ្ដី រូបចម្លាក់ និងឧបករណ៍សិចជាច្រើន ដែលមានចំនួនសរុបមិនតិចជាង ៥០០មុខទេ។ ការទស្សនាមិនមានការយកប្រាក់ឡើយ គឺគ្រាន់តម្រូវឲ្យភ្ញៀវទិញភេសជ្ជៈពីហាងកាហ្វេរបស់លោក Watjanasin ជាមុនសិន។ ត្រង់នេះចង់បញ្ជាក់ថា ស្ថាបនិកសារមន្ទីរសិចនៅថៃរូបនេះក៏មានបើកហាងកាហ្វេមួយផងដែរ មានឈ្មោះថា Green Lantern ហើយហាងនេះទៀតសោតគឺជាច្រកចូលទៅសារមន្ទីរសិចនេះឯង។ អ្នកទស្សនាភាគច្រើនគឺជាជនជាតិបរទេស ខណៈដែលប្រជាជនថៃមានចំនួនតិចតួចណាស់ ដែលចាប់អារម្មណ៍។

លោក Watjanasin បាននិយាយថា គោលបំណងនៃសារមន្ទីរទាំង២របស់លោកគឺ ចង់លុបបំបាត់ចោលនូវបម្រាមនានាពាក់ព័ន្ធនឹងរឿងអាសអាភាស ហើយនិងបង្ហាត់បង្ហាញពីចំណេះដឹងសិចជាសាធារណៈ។ "ប្រទេសដទៃអាចនិយាយអំពីវាដោយបើកចំហ ចុះហេតុអ្វីយើងមិនអាច?"៕