ជិត ១០០ប្រទេសហើយ សុទ្ធតែប្រុងប្រយ័ត្នចំពោះអ្នកមកពីកូរ៉េខាងត្បូង
- 2020-03-05 01:50:57
- ចំនួនមតិ 0 | ចំនួនចែករំលែក 0
ជិត ១០០ប្រទេសហើយ សុទ្ធតែប្រុងប្រយ័ត្នចំពោះអ្នកមកពីកូរ៉េខាងត្បូង
ចន្លោះមិនឃើញ
ប្រទេសនិងតំបន់ចំនួន ៩៦ បានរឹតបន្តឹងដល់ប្រជាជនដែលមកពីកូរ៉េខាងត្បូង ដោយសារភ័យខ្លាចវីរុសកូរ៉ូណាថ្មី COVID-19។ នេះបើតាមការប្រកាសរបស់ក្រសួងការបរទេសកូរ៉េខាងត្បូង នៅថ្ងៃទី៥ ខែមីនា ឆ្នាំ២០២០។
សិង្ហបុរី និងហុងកុង បានហាមឃាត់មិនឱ្យចូលនូវអ្នកធ្វើដំណើរទៅកូរ៉េខាងត្បូងក្នុងរយៈពេល ២សប្តាហ៍មុន។ ចំណែក៤ប្រទេសទៀត រួមមានទាំងជប៉ុនផង បានហាមឃាត់អ្នកដែលមកពីផ្នែកខ្លះនៃប្រទេសកូរ៉េខាងត្បូង ដូចជាក្រុង Daeju និង Cheongdo ដែលជាតំបន់ផ្ទុះ COVID-19 ខ្លាំង។
ប្រទេស ២៣ផ្សេងទៀតរួមមាន ណូវែហ្សេឡង់ និងវៀតណាម បានដាក់មនុស្សមកពីកូរ៉េខាងត្បូង ឱ្យនៅដាច់ដោយឡែកដើម្បីពិនិត្យរកកូរ៉ូណា។
ក្រសួងសុខាភិបាលកូរ៉េខាងត្បូង បានឱ្យដឹងថា មកទល់ពេលនេះ មានករណីឆ្លង COVID-19 ក្នុងប្រទេសចំនួន ៥៧៦៦នាក់ ក្នុងនោះអ្នកស្លាប់ ៣៥នាក់៕