អង្គការសុខភាពពិភពលោក ប្រតិកម្មនឹងពាក្យរើសអើងរបស់លោកត្រាំដែលថា «Chinese Virus»

2020-03-19 02:13:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មន្រ្តីអង្គការសុខភាពពិភពលោក បានព្រមានប្រឆាំងនឹងការហៅកូវីដ១៩ របស់ប្រធានាធិបតីអាមេរិក លោក ដូណាល់ ត្រាំ ថា «Chinese Virus» គឺអាចបណ្តាលឱ្យមានការរើសអើងជាតិសាសន៍កាន់តែខ្លាំង។

លោក Mike Ryan នាយកប្រតិបត្តិកម្មវិធីសង្គ្រោះបន្ទាន់នៃអង្គការសុខភាពពិភពលោក បានថ្លែងក្នុងសន្និសីទកាសែតកាលពីថ្ងៃទី១៨ ខែមីនា ឆ្នាំ២០២០ថា «វីរុសមិនខ្វល់ពីព្រំដែន និងជាតិពន្ធុពណ៌សម្បុរ ឬលុយប៉ុន្មានដែលអ្នកមានក្នុងធនាគារឡើយ។ ដូច្នេះ វាពិតជាសំខាន់ណាស់ដែលយើងត្រូវប្រុងប្រយ័ត្នក្នុងការប្រើភាសានិយាយចំពោះបុគ្គលដែលពាក់ព័ន្ធនឹងវីរុស»។

គួរកត់សម្គាល់ថា ថ្មីៗនេះ លោក ដូណាល់ ត្រាំ បានបង្ហោះសារជាបន្តបន្ទាប់លើបណ្តាញទ្វីតធើ ដែលពាក់ព័ន្ធនឹងការប្រយុទ្ធការរីករាលជំងឺកូវីដ១៩ ប៉ុន្តែលោកមិនបានសរសេរឈ្មោះនេះ បែរជាសរសេរថា «Chinese Virus»៕

ប្រភព៖ CNBC ប្រែសម្រួល៖ សំភី