Apple ត្រូវបង្ខំចិត្តធ្វើរឿងមួយ ដែលមិនធ្លាប់ធ្វើពីមុនមក
- 2020-03-31 01:24:54
- ចំនួនមតិ 0 | ចំនួនចែករំលែក 0
Apple ត្រូវបង្ខំចិត្តធ្វើរឿងមួយ ដែលមិនធ្លាប់ធ្វើពីមុនមក
ចន្លោះមិនឃើញ
ការចុះផ្សាយរបស់ Bloomberg បានឲ្យដឹងថា ចាប់ផ្ដើមពីខែនេះ Apple អនុញ្ញាតឲ្យវិស្វកររបស់ខ្លួនយកផលិតផលដែលកំពុងស្ថិតក្នុងដំណាក់កាលផលិត យកទៅធ្វើការបន្តនៅឯផ្ទះ។ ជាធម្មតា Apple គឺមានច្បាប់តឹងរ៉ឹងបំផុតលើផលិតផលថ្មីដែលខ្លួនកំពុងផលិត មិនឲ្យបែកធ្លាយចេញទៅក្រៅងាយៗនោះទេ ប៉ុន្តែព្រោះតែការរាតត្បាតនៃជំងឺកូវីដ១៩ បង្ខំឲ្យ Apple ធ្វើរឿងមិនធ្លាប់ធ្វើ។
យ៉ាងណាក្ដី Bloomberg បានបញ្ជាក់ឲ្យដឹងច្បាស់ថាបុគ្គលិកដែលនាំយកផលិតផលទៅផ្ទះ គឺត្រូវមានការអនុញ្ញាតពីអនុប្រធានក្រុមហ៊ុនជាមុនសិន។ ប្រភពដដែលនេះបានឲ្យដឹងថា Apple កំពុងធ្វើការអភិវឌ្ឍលើ HomePod ជំនាន់ថ្មី, ប្រអប់ Apple TV ថ្មី, MacBook Pro ថ្មី, iPad តម្លៃធូរ, Apple Watch ថ្មី និង iMac សម្រាប់ប្រកាសចេញលឿនបំផុតគឺនៅចុងឆ្នាំនេះ។
Software ជំនាន់បន្ទាប់ក៏កំពុងស្ថិតក្នុងដំណាក់កាលអភិវឌ្ឍន៍ដែរ ហើយវិស្វករដែលធ្វើការលើ Sotware ជំនាន់ថ្មី អាចយកវាទៅធ្វើការជាបន្តនៅផ្ទះ ពេលទទួលបានការអនុញ្ញាតពីអនុប្រធានក្រុមហ៊ុន។
Bloomberg បានឲ្យដឹងទៀតថា Apple គឺជាអ្នករ៉ាប់រងការចំណាយសម្រាប់ការរៀបចំកន្លែងធ្វើការនៅផ្ទះ (មានតុកុំព្យូទ័រ, កុំព្យូទ័រ និងអេក្រង់កុំព្យូទ័រជាដើម) ស្របពេលដែលការនៅដាច់ដោយឡែកនៅតែបន្ត៕