ឮល្ហៀងៗថា Ronaldo អាចនឹងត្រឡប់ទៅលេងនៅ Real Madrid វិញ

2020-04-08 02:57:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ថ្មីៗនេះលេចឮដំណឹងល្ហៀងៗថា Cristiano Ronaldo អាចនឹងត្រឡប់ទៅលេងនៅក្លឹបចាស់ Real Madrid វិញនៅរដូវកាលក្រោយ។ នេះបើតាមការចុះផ្សាយនៃប្រភពពី Thesun និងព័ត៌មានកីឡានានា។

រូបថត៖ Champions League

បើទោះបីជាខ្សែប្រយុទ្ធព័រទុយហ្គាល់មានអាយុ ៣៥ ឆ្នាំទៅហើយ តែដំណឹងចាកចេញនេះ អាចនឹងទៅរួច ដោយហេតុថា វិបត្តិវីរុស Covid-19 បណ្ដាលឲ្យក្លឹបបាល់ទាត់ជាច្រើនរួមទាំង Juventus ផងកំពុងជួបវិបត្តិហិរញ្ញវត្ថុ ដូចនេះ ដំណោះស្រាយអាចនឹងត្រូវបង្ខំចិត្តលក់ចេញកីឡាករចេញខ្លះ។ ម្យ៉ាងទៀត កុងត្រារបស់គេនៅសល់ ១ ឆ្នាំទៀតប៉ុណ្ណោះ នឹងផុតនៅរដូវក្តៅឆ្នាំ ២០២២ ខាងមុខ។

ខ្សែប្រយុទ្ធរូបនេះ ទទួលបានប្រាក់ឈ្នួលក្នុង១ រដូវកាលប្រមាណជា ២៧,៥លានផោន ដែលជាប្រាក់ឈ្នួលខ្ពស់ជាងគេនៅលីគកំពូលអ៊ីតាលី។ ចំពោះតម្លៃនៃការផ្ទេរត្រូវបានគេសន្និដ្ឋានថា ប្រមាណជា ៥០ លានផោន ខណៈដែល Zinedine Zidane ក៏នៅតែចាប់អារម្មណ៍ចង់យករូបគេមកវិញផងដែរ

រំឮកថា កាលពី ២០១៨ Cristiano Ronaldo បានចូលរួមជាមួយក្លឹប Juventus ក្នុងតម្លៃ ១០០ លានអឺរ៉ូឯណោះ នាំឲ្យគេជាប់កំណត់ត្រាកីឡាករលើវ័យ ៣០មានតម្លៃខ្លួនថ្លៃជាងគេ។៕

ទទួលបានព័ត៌មានថ្មីៗ លឿនរហ័សទាន់ចិត្ត កុំភ្លេចទាញយក App Kley Kley ឥឡូវនេះ*

-Android: play.google.com

-iOS: apps.apple.com/us/app

ប្រភព៖ The Sun ប្រែសម្រួល៖ រក្សា