Hyoyeon ក្រុម SNSD រងការរិះគន់ ព្រោះបង្អួតផ្ទះរបស់ខ្លួនលើទូរទស្សន៍ ដើម្បីលក់ផ្ទះបានថ្លៃគុណនឹង៣
- 2020-04-13 05:00:00
- ចំនួនមតិ 0 | ចំនួនចែករំលែក 0
Hyoyeon ក្រុម SNSD រងការរិះគន់ ព្រោះបង្អួតផ្ទះរបស់ខ្លួនលើទូរទស្សន៍ ដើម្បីលក់ផ្ទះបានថ្លៃគុណនឹង៣
ចន្លោះមិនឃើញ
តារាចម្រៀងស្រីល្បីឈ្មោះកូរ៉េ Hyoyeon កំពុងទទួលការរិះគន់ជាខ្លាំងក្រោយពេលបង្ហាញគេហដ្ឋានលំដាប់ខ្ពស់លើទូរទស្សន៍ ហើយប្រកាសលក់ចេញវិញភ្លាមៗ។
តារាចម្រៀងស្រីជើងចាស់ Hyoyeon សមាជិកកំពូលក្រុមចម្រៀង Girls’ Generation បានបង្ហាញខ្លួនក្នុងកម្មវិធី Yurang Market របស់ប៉ុស្តិ៍ទូរទស្សន៍ JTBC។ នៅក្នុងកម្មវិធីនេះដែរ ម្ចាស់បទ Gee បានបង្ហាញពីគេហដ្ឋានប្រភេទ penthouse នៅតំបន់ទីក្រុងថ្មី Songdo។
យ៉ាងណាក្ដី នៅពេលនេះ តារាស្រីកំពុងក្លាយជាផ្ទាំងស៊ីបរងការរិះគន់យ៉ាងខ្លាំង ដ្បិតទស្សនិកជនសន្និដ្ឋាន នាងចូលរួមក្នុងកម្មវិធីនេះគឺដើម្បីផ្សព្វផ្សាយលក់ផ្ទះប៉ុណ្ណោះ ខណៈប្រទេសកូរ៉េកំពុងរងការប៉ះពាល់ពីជំងឺ Covid 19។
តាមនោះដែរ គេហដ្ឋានខាងលើត្រូវបាន Hyoyeon ទិញក្នុងតម្លៃ ៩៩ម៉ឺនដុល្លារកាលពីឆ្នាំ ២០១២ នៅពេលដែលតំបន់នេះទើបមានគម្រោងអភិវឌ្ឍន៍ទៅជាទីក្រុងថ្មីម្ល៉េះ។ តែក្រោយពេលចូលក្នុងកម្មវិធីទូរទស្សន៍ខាងលើ តារាស្រីរូបនេះ បានប្រកាសលក់ផ្ទះនេះ ក្នុងតម្លៃ ៣លាន ៥ម៉ឺនដុល្លារ។
ក្រោយពេលព័ត៌មានប្រកាសលក់ផ្ទះរបស់តារាផលិតកម្ម SM ត្រូវបានចុះផ្សាយ ទស្សនិកជនបានវាយតម្លៃថា តាមការពិតនាងមានបំណងចង់លក់ផ្ទះនេះក្នុងតម្លៃខ្ពស់កប់ពពក ទើបយកផ្ទះខ្លួនមកបង្អួតលើកកញ្ចក់ទូរទស្សន៍បែបនេះ។ យ៉ាងណាក្ដី អ្នកជំនាញអចលនទ្រព្យបានឲ្យដឹងថា ជាមួយស្ថានភាពកំពុងកើតឡើងនៅកូរ៉េនាពេលបច្ចុប្បន្ន តម្លៃដែលស្រីស្អាតកើតឆ្នាំ១៩៨៩ ចង់លក់ចេញគឺមិនអាចទៅរួចឡើយ៕