នេះជាមូលហេតុដែលលោកត្រាំ ផ្អាកផ្តល់មូលនិធិទៅអង្គការសុខភាពពិភពលោក

2020-04-15 02:03:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីអាមេរិក លោក ដូណាល់ ត្រាំ ក្នុងសន្និសីទកាសែតមួយកាលពីថ្ងៃទី១៤ ខែមេសា ឆ្នាំ២០២០ បានប្រកាសផ្អាកផ្តល់មូលនិធីទៅអង្គការសុខភាពពិភពលោក (WHO) ដោយលោកចោទបានចោទអង្គការនេះក្រោមហេតុផលថា បានជួយលាក់បាំងភាពធ្ងន់ធ្ងរនៃការផ្ទុះជំងឺកូវីដ១៩ នៅក្នុងប្រទេសចិន មុនពេលវារីករាលជុំវិញពិភពលោក។

លោក ត្រាំ បញ្ជាក់ថា លោកបានណែនាំឱ្យរដ្ឋបាលរបស់លោកផ្អាកផ្តល់់មូលនិធី ទៅ WHO មួយរយៈ ដើម្បីពិនិត្យវាយតម្លៃលើតួនាទីរបស់អង្គការនេះឡើងវិញ ក្នុងការគ្រប់គ្រងមិនបានល្អ និងការលាក់បាំងការរីករាលកូវីដ១៩។

«ដោយសារតែ WHO មិនបង្ហាញតម្លាភាពជុំវិញការផ្ទុះជំងឺនេះ សហរដ្ឋអាមេរិក នឹងពិភាក្សានូវអ្វីដែលយើងធ្វើជាមួយលុយទាំងអស់ដែលចូលរួមវិភាគទានទៅ WHO។ ជាមួយនឹងការផ្ទុះនៃជំងឺរាតត្បាតកូវីដ១៩ យើងមានក្តីបារម្ភយ៉ាងខ្លាំង ថាតើភាពសប្បុរសរបស់អាមេរិក អាចប្រើជាប្រយោជន៍ល្អបំផុត ឬយ៉ាងណា»។ នេះជាការលើកឡើងរបស់ប្រធានាធិបតីអាមេរិក។

អាមេរិក គឺអ្នកផ្តល់មូលនិធិដ៏ធំបំផុតរបស់អង្គការ WHO ក្នុងនោះកាលពីឆ្នាំ២០១៩ អាមេរិក បានចូលរួមវិភាគទាន ៤០០លានដុល្លារ ប្រហែល ១៥ភាគរយ នៃថវិកាសរុបរបស់ WHO។

កាលពីពេលថ្មីៗនេះ លោក ដូណាល់ ត្រាំ ក៏បានចោទប្រកាន់ WHO ថា លំអៀងទៅរកចិន ក្នុងរឿងកូវីដ១៩នេះផងដែរ៕

ប្រភព៖ Channelnewsasia ប្រែសម្រួល៖ សំភី