អាមេរិក ផ្តល់ជំនួយឱ្យវៀតណាមជិត ១០លានដុល្លារ ដើម្បីដោះស្រាយវិបត្តិជំងឺកូវីដ១៩
- 2020-05-04 02:03:58
- ចំនួនមតិ 0 | ចំនួនចែករំលែក 0
អាមេរិក ផ្តល់ជំនួយឱ្យវៀតណាមជិត ១០លានដុល្លារ ដើម្បីដោះស្រាយវិបត្តិជំងឺកូវីដ១៩
ចន្លោះមិនឃើញ
វៀតណាម នឹងទទួលបានកញ្ចប់ជំនួយ ៩,៥លានដុល្លារ ដើម្បីដោះស្រាយវិបត្តិជំងឺកូវីដ១៩ ក្នុងនោះ ៥លានដុល្លារ សម្រាប់មូលនិធិជំនួយសេដ្ឋកិច្ច។ នេះបើតាមការចុះផ្សាយរបស់ Vietnam News កាលពីថ្ងៃទី២ ខែឧសភា ឆ្នាំ២០២០ ដែលដកស្រង់ចេញពីការប្រកាសរបស់ក្រសួងការបរទេសអាមេរិក។
មូលនិធិ ៥លានដុល្លារនេះ នឹងត្រូវបានប្រើប្រាស់សម្រាប់ជាជំនួយភ្លាមៗ ក្នុងការស្រោចស្រង់វិស័យឯកជន ដោយកាត់បន្ថយផលប៉ះពាល់ហិរញ្ញវត្ថុឱ្យនៅទាបបំផុត ដែលបណ្តាលមកពីជំងឺរាតត្បាតនេះ។
ចំណែកជំនួយ ៤,៥លានដុល្លារទៀត គឺសម្រាប់ជំនួយវេជ្ជសាស្រ្តសម្រាប់រដ្ឋាភិបាលវៀតណាម រៀបចំប្រព័ន្ធមន្ទីរពិសោធន៍ និងប្រព័ន្ធតាមដានករណីសង្ស័យឆ្លងជំងឺកូវីដ១៩។ ជាមួយគ្នានោះ ជំនួយនេះ ក៏នឹងគាំទ្រដល់អ្នកជំនាញក្នុងការឆ្លើយតបនឹងជំងឺនេះ ការអប់រំ និងការតភ្ជាប់សហគមន៍ ដើម្បីទប់ស្កាត់រីករាលដាលនៃជំងឺ។
ក្នុងរយៈពេលជាង ២០ឆ្នាំមកនេះ អាមេរិកបានផ្តល់ជំនួយឱ្យវៀតណាមប្រមាណ ១,៨ពាន់លានដុល្លារ ក្នុងនោះ ជាង ៧០៦លានដុល្លារ សម្រាប់វិស័យសុខាភិបាល៕