យន្តហោះផ្ទាល់ខ្លួន Ronaldo ព្យាយាមចុះចត៣ ដងតែមិនបានសម្រេច

2020-05-04 03:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យន្តហោះផ្ទាល់ខ្លួនតម្លៃជាង ៣០ លានដុល្លាររបស់កីឡាករឆ្នើម Cristiano Ronaldo ត្រូវបានសារព័ត៌មានអង់គ្លេស Dailymail និង The Sun បង្ហើបឲ្យដឹងថាឥឡូវនេះកំពុងនៅជាប់លើកោះមួយនៅលើមហាសមុទ្រអាត្លង់ទីក ក្រោយហោះចេញពីក្រុង Madeira ប្រទេសព័រទុយហ្គាល់។

Gulfstream G650 តម្លៃជាង ៣០ លានដុល្លារកំពុងសំកាំងលើអាកាស

បើទោះជាយន្តហោះ Gulfstream G650 នោះបានហោះមកដល់ទីក្រុងម៉ាឌ្រីត ប្រទេសអេស្ប៉ាញ ព្យាយាមចុះចត៣ ដងតែមិនបានសម្រេច ដោយហេតុថា រដ្ឋាភិបាលប្រទេសនេះមិនអនុញ្ញាត។

ប្រភពដដែលបានឲ្យដឹងថា នឹងមានយន្តហោះផ្សេងមួយទៀតមកយកហោះហោះសំដៅទៅក្រុងតូរីន ប្រទេសអ៊ីតាលី។ ម្យ៉ាងទៀតចំពោះមូលហេតុដែលយន្តហោះនោះ ម្តេចបានទៅចុះចតនៅអេស្ប៉ាញទៅវិញ មិនហោះហើរត្រង់ទៅតូរីនតែម្ដងទៅ ប្រភពមិនបញ្ជាក់ឡើយ។

ផ្នែកខាងក្នុងនៃយន្តហោះ Gulfstream G650

បើតាមគោលការណ៍ទាំង Ronaldo និងកីឡាករផ្សេងៗត្រូវនៅដាច់ពីគេឯង ១៤ ថ្ងៃសិន មុននឹងអាចមកប្រមូលផ្តុំហ្វឹកហាត់បាន។ សម្រាប់លីគ Serie A អនុញ្ញាតិឲ្យកីឡាករហ្វឹកហាត់រៀងខ្លួនៗចាប់ផ្តើមពីថ្ងៃទី ៤ ខែឧសភានិងចូលហ្វឹកហាត់ជាក្រុមជុុំគ្នា ចាប់ពីថ្ងៃទី ១៣ ខែឧសភា ឆ្នាំ ២០២០ តទៅ។

សម្រាប់កាលបរិច្ឆេទនៃការប្រកួតជាថ្មីនៅ Serie A គឺចាប់ពីថ្ងៃទី ២៧ ខែឧសភាដល់ថ្ងៃទី ២ ខែមិថុនាឆ្នាំ ២០២០ តែនៅតែមិនទាន់បើកឲ្យមានអ្នកចូលមើលនោះទេ ត្រូវលេងដោយបិទទ្វារ៕

មុននេះមួយថ្ងៃ ម្ចាស់ពាន FIFA Ballod'r ៥ សម័យរូបនេះ ក៏បានជូនអំណោយម្តាយជារថយន្ត Mercedez ថ្មីសន្លាងក្នុងទិវា Mother's day នៅឯស្រុកកំណើត មុននឹងខ្លួនគេហោះមកទីក្រុងតូរីនវិញ៕