មន្ទីរបញ្ចកោណ៖ ទាហានអាមេរិក បានសម្លាប់ជនស៊ីវិល ជាង១៣០នាក់ ឆ្នាំមុន

2020-05-07 01:29:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ជនស៊ីវិលប្រមាណ ១៣២នាក់ ត្រូវបានសម្លាប់ និងប្រហែល៩១នាក់រងរបួស ក្នុងអំឡុងប្រតិបត្តិការរបស់ទាហានអាមេរិក កាលពីឆ្នាំ២០១៩។ នេះបើតាមរបាយការណ៍របស់មន្ទីរបញ្ចកោណដែលផ្ញើទៅកាន់សភាអាមេរិក កាលពីថ្ងៃទី៦ ខែឧសភា ឆ្នាំ២០២០។

ប្រតិបត្តិការយោធាអាមេរិកនេះ ធ្វើឡើងនៅប្រទេសអ៊ីរ៉ាក់ ស៊ីរី អាហ្គានីស្ថាន និងសូម៉ាលី។ ជនរងគ្រោះភាគច្រើនបំផុតគឺស្ថិតក្នុងប្រទេសអាហ្គានីស្ថាន ដែលមានមនុស្ស ១០៨នាក់ស្លាប់ និង ៧៥របួស។

យ៉ាងណាមិញ បើតាមរបាយការណ៍របស់អង្គការក្រៅរដ្ឋាភិបាលអាមេរិក Airwars ដែលបានតាមដានជនស៊ីវិលដែលរងគ្រោះដោយការវាយប្រហារតាមផ្លូវអាកាសរបស់ទ័ពអាមេរិកនៅជុំវិញពិភពលោក ប៉ាន់ស្មានថា កាលពីឆ្នាំ២០១៩ គ្រាន់តែនៅស៊ីរី មានជនស៊ីវិលស្លាប់ចន្លោះពី ៤៦៥ ដល់ ១១១៣នាក់ទៅហើយ។ ការវាយប្រហារនេះ ក៏មានការចូលរួមពីទ័ពប្រទេសសម្ព័ន្ធមិត្តផងដែរ៕

ប្រភព៖ Channelnewsasia ប្រែសម្រួល៖ សំភី