ផ្លូវការ៖ Barcelona នារីលេងមិនចាញ់សោះលើកពាន ស្វ័យប្រវត្តិ
- 2020-05-07 04:40:00
- ចំនួនមតិ 0 | ចំនួនចែករំលែក 0
ផ្លូវការ៖ Barcelona នារីលេងមិនចាញ់សោះលើកពាន ស្វ័យប្រវត្តិ
ចន្លោះមិនឃើញ
Barcelona ផ្នែកនារីបានគ្រងជើងឯកលីគកំពូលក្របខ័ណ្ឌ Primera Division នារីដោយស្វ័យប្រវត្តិនៅរដូវកាល ២០១៩-២០២០ ដោយសារតែវីរុសកូវីដ១៩ មិនអាចបន្តការប្រកួតឲ្យចប់ចុងដើម ដូចសព្វមួយដង។ យោងតាមសារព័ត៌មានជិតស្និទ្ធពីអេស្ប៉ាញ បានបង្ហើបឲ្យដឹងថា ការធ្វើបែបនេះដោយមានការសម្រេចពី សហព័ន្ធ។
បន្ថែមលើនេះ ក៏គ្មានក្រុមត្រូវកាត់ចេញ (ធ្លាក់ទៅលីគ ២) ដូចជាក្រុមបាតតារាង Espanyol និង Valencia នៅអាចបន្តការប្រកួតលីគកំពូលរដូវកាលក្រោយបាន។ រីកៅអីលេង UEFA Women’s Champions League នឹងអាចបានទៅលើ Barcelona និង Atlético Madrid ដោយស្វ័យប្រវត្តិផងដែរ។
ប្រការនេះ ក៏បានធ្វើឲ្យ Barcelona ផ្នែកនារីប្រជែងឈ្នះក្រុមខ្លាំង ៣ សម័យមកពីក្រុងម៉ាឌ្រីត (Atlético Madrid) និងជាក្រុមការពារតំណែងជើងឯកឆ្នាំមុនផងដែរ។ ចំណែកឯ Barcelona ផ្នែកនារី បានឈ្នះជើងឯកលីគនេះ គឺជាលើកទី ៥ គិតចាប់ពីឆ្នាំ ២០១៥ មក។
ជម្រាបជូនថា សម្រាប់ផ្នែកបុរសវិញ នៅមិនទាន់សម្រេចយ៉ាងណានោះទេ ដោយថ្មីៗនេះ មានការអនុញ្ញាតឲ្យកីឡាករត្រឡប់មកធ្វើតេស្ត ចូលហ្វឹកហាត់គ្រោងនឹងប្រកួតបញ្ចប់រដូវកាល ដែលនៅសល់នោះ៕
វីដេអូជំនួបចុងក្រោយបង្អស់នៅខែកុម្ភៈរវាង Barca ឈ្ន ៥-០ លើក្រុម Madrid CFF
អត្ថបទពាក់ព័ន្ធ៖