ខំហាត់ម្នាក់ឯងដល់ បាក់ឆ្អឹងជើង ស្របពេលថ្ងៃចន្ទនេះ Madrid នឹងបើកឲ្យឈុតធំហ្វឹកហាត់វិញ

2020-05-09 02:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹប Real Madrid បានប្រកាសផ្លូវការថា ការត្រឡប់មកហ្វឹកហាត់វិញនឹងត្រូវធ្វើឡើងនៅថ្ងៃចន្ទ ទី ១១ ខែឧសភា សប្ដាហ៍ក្រោយនេះហើយ។

Luka Jovic

ដោយឡែកកីឡាករចំណូលថ្មី Luka Jovic ត្រូវបានគេរាយការណ៍ កំពុងតែមានរបួស ដោយជើងខាងស្ដាំរបស់គេ បានបាក់ឆ្អឹង (អំឡុងពេលហ្វឹកហាត់ម្នាក់ឯងនៅផ្ទះ)។ ដូចនេះ គេមិនអាចត្រឡប់មកហ្វឹកហាត់តាមកាលកំណត់បានទេ។

កាលពីថ្ងៃពុធកន្លងទៅ កីឡាករឈុតធំក្លឹប Real Madrid ត្រូវបានកោះហៅមកធ្វើតេស្តម្តងម្នាក់ៗ ដើម្បីត្រៀមខ្លួនចូលហ្វឹកហាត់វិញ (រៀងខ្លួន និងជាក្រុមតូចៗ)។ ក្នុងនោះរួមមានទាំង Jovic ម្នាក់ផងដែរ។ លទ្ធផលតេស្តបង្ហាញថា កីឡាករឈុតធំ គ្មានផ្ទុកវីរុសនោះទេ។

ទីលានហ្វឹកហាត់ក្លឹប Real Madrid ដែលឈុតធំនឹងត្រូវបង្ហាញខ្លួននៅថ្ងៃចន្ទ សប្ដាហ៍ក្រោយ

ការត្រលប់មកលេងវិញនេះដែរនឹងត្រូវធ្វើឡើងដោយបិទទ្វា មិនឱ្យអ្នកគាំទ្រទស្សនានោះទេ។

សម្រាប់ក្របខ័ណ្ឌលីគកំពូល La Liga នឹងបើកការប្រកួតប្រជែងឡើងវិញនៅថ្ងៃទី ២០ ខែមិថុនា រហូតដល់ថ្ងៃបិទបញ្ចប់ទី ២៦ ខែកក្កដា សម្រាប់រដូវកាល ២០១៩-២០២០ នេះ។ បើយោងតាមព័ត៌មានពីលោក Javier Aguirre ជាអ្នកចាត់ការទូទៅក្លឹប Leganes កាលពីម្សិលមិញ។

លោកបន្ថែមថា “យើងចាប់ផ្ដើមថ្ងៃទី២០ខែក្រោយ ហើយប្រើពេលតែ៥សប្ដាហ៍ប៉ុណ្ណោះដើម្បីបញ្ចប់វា។ យើងនឹងលេងថ្ងៃសៅ អាទិត្យ និងពុធ ព្រហស្បត្តិ (១អាទិត្យលេង ៤ ដង)។ La Liga ទើបតែប្រាប់មកខ្ញុំរឿងនេះដែរ ហើយខ្ញុំពិតជារីករាយដែលអាចឱ្យក្រុមលេងវិញបាន ដើម្បីបញ្ចប់រដូវកាលនេះឱ្យពេញលេញ”៕

អត្ថបទពាក់ព័ន្ធ៖

ប្រភព៖ theguardian ប្រែសម្រួល៖ រក្សា