ឈប់យល់ច្រឡំទៀតទៅអំពីគំនូសពណ៌ទាំងនេះនៅលើថ្នាំដុសធ្មេញ

2020-05-19 01:55:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅលើសម្បកថ្នាំដុសធ្មេញភាគច្រើន យើងតែងសង្កេតឃើញគំនូសរាងបួនជ្រុងដែលមានពណ៌ខុសៗគ្នានៅចុងកន្ទុយរបស់វា។ តើគំនូសពណ៌ទាំងនេះមានបង្កប់នូវអត្ថន័យពិសេសអ្វីមែនទេ?

បើតាមការចែកចាយបន្តៗគ្នាដែលគ្មានមូលដ្ឋានច្បាស់លាស់លើប្រព័ន្ធបណ្ដាញសង្គម បានរៀបរាប់ថា ពណ៌ខុសៗគ្នានេះបង្ហាញប្រាប់ពីកម្រិតធម្មជាតិនៃថ្នាំដុសធ្មេញ។ ការលើកឡើងនោះ មានដូចជា៖

ពណ៌បៃតង៖ ថ្នាំដុសធ្មេញផលិតដោយធម្មជាតិសុទ្ធសាធ
ពណ៌ខៀវ៖ ធម្មជាតិលាយថ្នាំពេទ្យ
ពណ៌ក្រហម៖ ធម្មជាតិលាយសារធាតុគីមី
ពណ៌ខ្មៅ៖ សារធាតុគីមីសុទ្ធសាធ

ការបកស្រាយនេះគឺមិនត្រឹមត្រូវទាល់តែសោះឡើយ។ បើតាមអ្នកជំនាញ ពណ៌ទាំងនោះសំដៅទៅលើដំណើរការផលិតសម្បកថ្នាំដុសធ្មេញ ដែលជាភាសាអង់គ្លេសគេហៅថា "eye marks"។ "eye marks" បង្កើតឡើងដើម្បីជាការកំណត់សម្គាល់ដោយម៉ាស៊ីន ក្នុងការកាត់តម្រឹម និងបត់សម្បកថ្នាំដុសធ្មេញចេញពីគ្នា។ បន្ថែមពីនេះ ការដែលមានពណ៌ខុសៗគ្នាគឺអាស្រ័យទៅលើការកំណត់សម្គាល់ sensor របស់ម៉ាស៊ីនផ្សេងៗគ្នាតែប៉ុណ្ណោះ ពោលគឺគ្មានន័យអ្វីពិសេសនោះឡើយ៕

ប្រភព៖ The Sun ប្រែសម្រួល៖ ឈាង.