ព្រះពុទ្ធបដិមានៅប្រាសាទអង្គរវត្ត នឹងត្រូវយកចេញពីរណ្តៅកំណាយមកសិក្សាជួសជុលបន្ត
- 2020-05-20 01:20:35
- ចំនួនមតិ 0 | ចំនួនចែករំលែក 0
ព្រះពុទ្ធបដិមានៅប្រាសាទអង្គរវត្ត នឹងត្រូវយកចេញពីរណ្តៅកំណាយមកសិក្សាជួសជុលបន្ត
ចន្លោះមិនឃើញ
ហង់ ពៅ អគ្គនាយកអាជ្ញាធរជាតិអប្សរា និងក្រុមការងារកំណាយ បានធ្វើពិធីយោងបំណែកព្រះពុទ្ធបដិមាក្នុងរណ្តៅកំណាយមុខថែវព្រះរយព្រះពាន់នៅប្រាសាទអង្គរវត្ត។ ពិធីនេះត្រូវបានរៀបចំឡើងកាលពីថ្ងៃទី១៩ ខែឧសភា ឆ្នាំ២០២០។
តាមការបញ្ជាក់របស់លោកអគ្គនាយកអាជ្ញាធរជាតិអប្សរា បដិមា១អង្គដែលមានរូបរាងពេញលេញជាងគេ នឹងត្រូវជួសជុលសម្អាត ហើយដាក់សំណើសុំអនុសាសន៍ពីគណៈកម្មការអាយស៊ីស៊ី-អង្គរ ដើម្បីយកទៅដាក់នៅទីតាំងដើម ព្រោះគេបានស្គាល់ច្បាស់ថាបំណែកព្រះពុទ្ធបដិមាទាំងអស់ មានប្រភពនៅថែវព្រះរយព្រះពាន់ ដែលមានកាលបរិច្ឆេទប្រហែលស្ថិតក្នុងសម័យកណ្តាល។ បំណែកព្រះពុទ្ធបដិមាដែលបានរកឃើញមានចំនួន១០៥ ក្នុងនោះពុទ្ធបដិមាមានរូបមិនពេញលេញមាន៣៥អង្គ និង១អង្គមានរូបរាងពេញលេញជាងគេ សន្លឹកសីមា១ រួមនឹងបំណែកតូចៗចំនួន១៨០ផងដែរ៕