ទាល់តែប្រើកាំរស្មី X ទើបដឹងថានៅក្នុងរូបចម្លាក់បុរាណនេះមានរឿងមិនគួរឲ្យជឿ
- 2020-05-25 01:24:21
- ចំនួនមតិ 0 | ចំនួនចែករំលែក 0
ទាល់តែប្រើកាំរស្មី X ទើបដឹងថានៅក្នុងរូបចម្លាក់បុរាណនេះមានរឿងមិនគួរឲ្យជឿ
ចន្លោះមិនឃើញ
អាស៊ីអាគ្នេយ៍គឺជាដែនដី ដែលសម្បូរទៅដោយរូបចម្លាក់បុរាណបែបព្រះពុទ្ធសាសនាជាច្រើនរាប់មិនអស់ឡើយ ហើយការរកឃើញរូបចម្លាក់បុរាណទាំងនោះក៏មិនមែនជារឿងថ្មីប្លែកអ្វីដែរ។ អ្វីដែលចម្លែក ហើយគួរឲ្យចង់ដឹងឮនោះគឺជាការប្រទះឃើញរបស់ចម្លែកដែលស្ថិតនៅក្នុងរូបចម្លាក់បុរាណ។
ដោយប្រើបច្ចេកវិទ្យាកាំរស្មី X ក្រុមអ្នកស្រាវជ្រាវនៃមជ្ឈមណ្ឌលវេជ្ជសាស្ត្រ Meander របស់ហ៊ូឡង់ បានដឹងថានៅក្នុងរូបចម្លាក់បុរាណមួយមានបង្កប់នូវសាកសពម៉ាំមីរបស់ព្រះសង្ឃមួយអង្គ។ រូបចម្លាក់នោះមានអាយុកាលប្រមាណជា ១០០០ឆ្នាំឯណោះ។ ក្រុមអ្នកស្រាវជ្រាវ ជឿថា សាកសពនោះមានឈ្មោះ Liu Quan ដែលជាសម្ដេចសង្ឃកាន់ព្រះពុទ្ធសាសនានៅក្នុងប្រទេសចិន ហើយការដែលត្រូវដាក់នៅក្នុងរូបចម្លាក់ដូច្នេះគឺជាវិធីសាស្ត្រដើម្បីរក្សាសាកសពឲ្យបានយូរអង្វែង។
បន្ថែមពីនេះ ក្រុមអ្នកស្រាវជ្រាវ បានប្រើម៉ាស៊ីន CT ស្កេនមើលនៅក្នុងពោះសាកសព ហើយក៏ប្រទះឃើញថា គ្រឿងក្នុងរបស់សម្ដេចសង្ឃត្រូវគេយកចេញអស់ទៅហើយ។ ប៉ុន្តែនៅក្នុងនោះបែរជាមានសន្លឹកក្រដាស ដែលសរសេរជាអក្សរចិនបុរាណទៅវិញ។
បច្ចុប្បន្ន រូបចម្លាក់ខាងលើ ត្រូវរក្សាទុកនៅសារមន្ទីរប្រវត្តិសាស្ត្រជាតិរបស់ហុងគ្រី៕