មន្រ្តីអគ្គនាយកដ្ឋាន ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ CCF បាន​ធ្វេី​ការ​ដុតកម្ទេចចោល បង្គាក្លាសេចំនួន ៤៤៩កេស ស្មេីនឹង ១១,២២៥ គីឡូក្រាម នៅទីលានចាក់​សម្រាម ខណ្ឌដង្កោ រាជធានីភ្នំពេញ។ ការ​ដុតកម្ទេចចោល ធ្វើឡើងកាលពីថ្ងៃទី៣០ ខែឧសភា ឆ្នាំ២០២០។

សូមបញ្ជាក់ផងដែរថា បង្គាដែលក្លាសេមានចាក់បញ្ចូលចាហួយ ត្រូវបានមន្រ្តីអគ្គនាកដ្ឋាន ក.ប.ប.ស្ទាក់ឃាត់រថយន្តដឹកគ្រឿងសមុទ្រចំនួន ០៣ គ្រឿង នៅលើផ្លូវជាតិលេខ៤ និងផ្លូវជាតិលេខ៣ ស្ថិតក្នុងភូមិសាស្ត្រខណ្ឌកំបូល និងខណ្ឌដង្កោរាជធានីភ្នំពេញ នៅយប់រំលងអាធ្រា្រត ឈានចូលថ្ងៃទី២៩ ខែឧសភា ឆ្នាំ២០២០ បន្ទាប់ពីបានត្រួតពិនិត្យ មន្ត្រីជំនាញបានរកឃើញបង្គាមានចាក់បញ្ចូល សារធាតុស្រដៀងចាហួយ ចំនួន ៤៤៩ កេស ស្មើនឹង ១១,២២៥ គីឡូក្រាម៕