គ្រាន់តែសម្លាប់ឪម៉ាល់ ចិនលេងសុទ្ធកាំភ្លើងព្រួសភ្លើង ដែលប្រើកាលពីសង្គ្រាមលោក (វីដេអូ)

2020-06-12 01:19:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កាំភ្លើងព្រួសភ្លើង (Flamethrower) ត្រូវបានក្រុមកងទ័ពរំដោះប្រជាជនចិន ប្រើប្រាស់សម្រាប់កម្ទេចហ្វូងឪម៉ាល់យក្សដ៏កាចសាហាវម៉្យាង។ វាជាអាវុធដ៏គួរឲ្យខ្លាចមួយប្រភេទ ដែលត្រូវគេប្រើប្រាស់កាលពីសម័យសង្គ្រាមលោកលើកទី១ (១៩១៤- ១៩១៨)។

រដ្ឋាភិបាលក្រុងប៉េកាំង បានបញ្ជាក់ថា ទោះប្រទេសដទៃគេលែងប្រើកាំភ្លើង flamethrower ក៏ដោយ ក៏ចិននៅតែទាញប្រយោជន៍ពីអាវុធនេះបានដដែល។ ជាឧទាហរណ៍ជាក់ស្ដែងគឺការយកកាំភ្លើង flamethrower មកបាញ់សម្លាប់ឪម៉ាល់យក្ស និងកម្ទេចសម្បុកវាចោលជាដើម។

ខាងក្រោមនេះជាវីដេអូដែលកងទ័ពរំដោះប្រជាជនចិនប្រើកាំភ្លើង flamethrower កម្ទេចសម្បុកឪម៉ាល់ប្រវែងជាង១ម៉ែត្រកន្លះ ស្ថិតនៅលើដើមឈើ១ដើមកម្ពស់៣០ម៉ែត្រពីដី៖

សូមបញ្ជាក់ថា នៅទូទាំងអាស៊ី យ៉ាងហោចណាស់មានមនុស្សប្រមាណជា ៥០នាក់បានស្លាប់ជារៀងរាល់ឆ្នាំ ព្រោះត្រូវឪម៉ាល់យក្សទិច។ ឪម៉ាល់ប្រភេទនេះមានប្រវែងធំជាង ៥សង់ទីម៉ែត្រ និងអាចហោះក្នុងល្បឿនច្រើនជាង ៣២គីឡូម៉ែត្រក្នុង១ម៉ោង។ វាមានក្រឡាឆ្នូតពណ៌ទឹកក្រូចលាយខ្មៅ ដែលមើលទៅដូចជាសត្វខ្លា និងស្លាបមើលទៅដូចកន្ទុំរុយ៕