កូរ៉េខាងជើង ព្រមានដាក់ទ័ពនៅតំបន់ព្រំដែនកូរ៉េខាងត្បូងឡើងវិញ

2020-06-16 02:13:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោធាកូរ៉េខាងជើង បានព្រមាននៅថ្ងៃទី១៦ ខែមិថុនា ឆ្នាំ២០២០ថា ខ្លួនកំពុងពិនិត្យផែនការ ដើម្បីដាក់ទ័ពនៅតំបន់ព្រំដែនជាមួយកូរ៉េខាងត្បូងឡើងវិញ។

នាយសេនាធិការកងទ័ពប្រជាជនកូរ៉េ ត្រូវបានភ្នាក់ងារព័ត៌មាន KCNA ដកស្រង់សម្តីយ៉ាងដូច្នេះថា៖ «កងទ័ពរបស់យើង កំពុងឃ្លាំមើលយ៉ាងយកចិត្តទុកដាក់លើស្ថានភាពបច្ចុប្បន្ន ដែលទំនាក់ទំនងរវាងប្រទេសកូរ៉េខាងជើង-ខាងត្បូង ប្រែក្លាយកាន់តែអាក្រក់ទៅ ហើយត្រៀមខ្លួនផ្តល់នូវការធានាយោធាដ៏ពិតប្រាកដមួយ និងវិធានាការទប់ទល់នឹងសត្រូវខាងក្រៅ ដែលចេញដោយបក្ស និងរដ្ឋាភិបាល»។

កងទ័ពកូរ៉េខាងជើង កំពុងសិក្សាផែនការសកម្មភាព ដើម្បីដាក់ទ័ពចូលទៅតំបន់ព្រំដែនម្តងទៀត ដែលតំបន់នោះពីមុនត្រូវបានដកទ័ពចេញក្រោយកិច្ចព្រមព្រៀងកូរ៉េទាំងពីរ ប្រែក្លាយខ្សែជួរមុខ ជាបន្ទាយមួយ និងបង្កើនការប្រយ័ត្នប្រយែងយោធា ប្រឆាំងនឹងកូរ៉េខាងត្បូង៕

ប្រភព៖ Yonhapnews