ទាហាន​ឥណ្ឌា៣រូប ត្រូវបានស្លាប់​ក្នុង​សកម្មភាព​ប៉ះទង្គិច​ជាមួយ​កងទ័ព​ចិន នៅជ្រលង Galwan Valley តំបន់ព្រំដែន Ladakh នៅយប់ថ្ងៃទី១៥ ខែមិថុនា ឆ្នាំ​២០២០។

ប្រភពពី​កងទ័ព​ឥណ្ឌា បានឱ្យដឹងនៅថ្ងៃនេះថា «**មានការផ្ទុះ​អំពើហិង្សាដាក់គ្នា​កាលពីយប់មិញនៅជ្រលង Galwan។ ការបាត់បង់ជីវិត​ភាគីឥណ្ឌារួមមាន មន្រ្តីមួយរូប និងទាហាន២រូប។ មន្ត្រីយោធាជាន់ខ្ពស់​ប្រទេសទាំងពីរ បាន​នឹងកំពុងជួបប្រជុំ​ នៅទីតាំងខាងលើនេះ ដើម្បីបន្ថយភាព​តានតឹង**»។

សូមជម្រាបថា កងទ័ពឥណ្ឌា និងចិន បានប្រឈម​មុខនឹងគ្នានៅតំបន់ព្រំដែននេះ ចាប់តាំងពីខែមេសាមក ដោយ​ឥណ្ឌាចោទថា កងល្បាតចិន​បាន​ចូលដីឥណ្ឌា៕