ស្ពានអាកាសនៅចំណុចផ្លូវប្រសព្វនៃផ្លូវជាតិលេខ៤ និងមហាវិថីឈ្នះឈ្នះ ចាប់ផ្តើមសាងសង់
- 2020-06-19 09:02:18
- ចំនួនមតិ 0 | ចំនួនចែករំលែក 0
ស្ពានអាកាសនៅចំណុចផ្លូវប្រសព្វនៃផ្លូវជាតិលេខ៤ និងមហាវិថីឈ្នះឈ្នះ ចាប់ផ្តើមសាងសង់
ចន្លោះមិនឃើញ
មន្ទីរសាធារណការ និងដឹកជញ្ជូនរាជធានីភ្នំពេញ បានឱ្យដឹងនៅថ្ងៃទី១៩ ខែមិថុនា ឆ្នាំ២០២០ថា ស្ពានអាកាសថ្មី នៅប្រសព្វមហាវិថីឈ្នះឈ្នះ និងផ្លូវជាតិលេខ ៤ ស្ថិតក្នុងខណ្ឌពោធិ៍សែនជ័យ បាននឹងកំពុងចាប់ផ្តើមដំណើរការការដ្ឋានសាងសង់ ដែលជាផ្នែកមួយនៃគម្រោងសាងសង់ផ្លូវខ្សែក្រវាត់ក្រុងទី ៣។ គម្រោងនេះ ជាគម្រោងស្ពានអាកាសទី៨ នៅក្នុងរាជធានីភ្នំពេញ។
សូមជម្រាបថា ការដ្ឋានសាងសង់ផ្លូវក្រវាត់ក្រុងទី៣ សម្រេចការសាងសង់បាន ៣៧% គិតត្រឹមដើមខែមិថុនា។
ផ្លូវនេះស្ថិតក្នុងភូមិសាស្រ្តរាជធានីភ្នំពេញ និងខេត្តកណ្តាល មានប្រវែងសរុប ៥២,៩៨គីឡូម៉ែត្រ តភ្ជាប់ចាប់ពីផ្លូវជាតិលេខ៦ កាត់តាមមហាវិថីឈ្នះឈ្នះ និងស្ពានព្រែកព្នៅ។ ផ្លូវនេះឆ្លងកាត់ពីផ្លូវជាតិលេខ៤ ដែលមានចំណុចចាប់ផ្តើមពីគីឡូម៉ែត្រ ១៤+១០៥ មកផ្លូវជាតិលេខ៣ ផ្លូវជាតិលេខ២ និងផ្លូវជាតិលេខ២១ ឆ្លងកាត់ទន្លេបាសាក់ ព្រមទាំងកោះអន្លង់ចិន ដោយមានស្ពានចំនួន២ និងតភ្ជាប់ទៅនឹងផ្លូវជាតិលេខ១ ដែលមានចំណុចចុងបញ្ចប់នៅគីឡូម៉ែត្រ ២៤ + ៨៤០។ គម្រោងនៃផ្លូវនេះ ក៏មានការសាងសង់ស្ពានអាកាសចំនួន៤ផងដែរ ឆ្លងកាត់ផ្លូវជាតិលេខ៤, លេខ៣, លេខ២ និងលេខ២១ ប្រវែងសរុប ១ពាន់ម៉ែត្រ៕