រកចំណូលបាន២៥លានដុល្លារ Fan Bingbing ត្រូវធ្វើការដល់អធ្រាត្រ ស្រកគីឡូ សក់សំពីងសំពោង
- 2020-06-26 03:20:00
- ចំនួនមតិ 0 | ចំនួនចែករំលែក 0
រកចំណូលបាន២៥លានដុល្លារ Fan Bingbing ត្រូវធ្វើការដល់អធ្រាត្រ ស្រកគីឡូ សក់សំពីងសំពោង
ចន្លោះមិនឃើញ
ទោះមិនសូវមានសកម្មភាពច្រើននៅក្នុងសិល្បៈក៏ដោយ តែដោយសារតែមុខជំនួញជោគជ័យខ្លាំង តារាសម្ដែងស្រីល្បីឈ្មោះចិន Fan Bingbing នៅតែរកបានចំណូលខ្ពស់កប់ពពក។
កាលពីថ្ងៃទី ២៥ ខែមិថុនាកន្លងទៅនេះ ក្រុមអ្នកប្រមាញ់រូបថតបានឆ្មក់បានកម្រងរូបភាពតារាសម្ដែងស្រីជួរមុខចិន Fan Bingbing នៅពេលនាងចាកចេញពីក្រុមហ៊ុនរបស់ខ្លួននៅវេលាអធ្រាត្រ។ ធ្លាប់តែបង្ហាញខ្លួនស្រស់ស្អាតនៅលើកម្រាលព្រំក្រហម ស្រីស្អាតវ័យ ៣៩ឆ្នាំ បានធ្វើឲ្យអ្នកកាសែតភ្ញាក់ផ្អើលជាខ្លាំង នៅពេលបង្ហាញខ្លួនជាមួយសក់កន្ទ្រីងកន្ទ្រើងមើលមិនយល់។
អ្នកមានវត្តមានផ្ទាល់នៅកន្លែងបានឲ្យដឹងថា តួរឿង ព្រះនាងយេយេ ហាក់ហត់នឿយខ្លាំង។ មិនត្រឹមតែប៉ុណ្ណោះ រាងដែលធ្លាប់ស្អាតពីមុន នៅពេលនេះក៏ប្រែទៅជាស្គមជាងមុនច្រើន។
យោងតាមបណ្ដាញព័ត៌មាន Sina កាលពិថ្ងៃទី ១៨ ខែ០៦ មុននេះ គឺជាថ្ងៃពិសេសមួយនៅប្រទេសចិន ដែលម៉ាកយីហោជាច្រើនសម្រុកលក់ទំនិញដោយមានប្រូម៉ូសិនជាច្រើន។ នៅក្នុងនោះដែរ Fan Bingbing ក៏ដាក់លក់គ្រឿងសំអាងរបស់ខ្លួន ដោយនៅក្នុង១ថ្ងៃពេញ នាងលក់ចេញបានរហូតដល់ លានដុល្លារ។
មនុស្សជាច្រើនបានលាន់មាត់ថា អាចមកពីក្រុមហ៊ុនលក់ផលិតផលដាច់ខ្លាំងបែបនេះហើយ ទើបធ្វើឲ្យតារាកើតឆ្នាំ ១៩៨១ រវល់រហូតដល់ស្រកគីឡូបែបនេះ។ យ៉ាងណាក្ដី អ្នកគាំទ្រក៏ជួយអរដល់នាងដែរ ដ្បិតនាងនៅតែអាចរកចំណូលបាន ខណៈមិនមានការងារនៅក្នុងសិល្បៈ៕