ម៉ាកសម្គាល់ភូមិសាស្រ្តទំនិញ មិនអាចចុះបញ្ជីបានឡើយ ប្រសិនបើមាន ៤ចំណុចនេះ

2020-06-26 07:35:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ម៉ាកសម្គាល់ភូមិសាស្រ្តទំនិញ សំដៅដល់ឈ្មោះ សញ្ញាសម្គាល់ និង/ឬ រូបភាពផ្សេងៗទៀត ដែលមានលក្ខណៈញែកដាច់ដែលជាឈ្មោះ ឬតំណាងឱ្យប្រភពដើមនៃតំបន់ភូមិសាស្រ្តមួយហើយ ឈ្មោះសញ្ញាសម្គាល់ និង/ឬ រូបភាពនោះសម្រាប់កំណត់អត្តសញ្ញាណទំនិញ មានប្រភពក្នុងភូមិសាស្រ្តនោះ ដែលបានផ្តល់ជាមូលដ្ឋានគ្រឹះដល់គុណភាព កិត្តិសព្ទ ឬចរិតលក្ខណៈផ្សេងទៀតនៃទំនិញដែលកើតចេញពីតំបន់ភូមិសាស្រ្តនោះ។

ក្រូចថ្លុងកោះទ្រង់

សមាគមសម្គាល់ភូមិសាស្រ្ត ឬក្រុមតំណាងផលិតករ ឬអង្គភាពតំណាងផលិតករ និង/ឬប្រតិបត្តិករ ដែលអាចទទួលផលប្រយោជន៍ពីម៉ាកសម្គាល់ភូមិសាស្រ្តទំនិញនោះ មានសិទ្ធិដាក់ពាក្យស្នើសុំចុះបញ្ជីម៉ាកសម្គាល់ភូមិសាស្រ្តទំនិញ។

ការចុះបញ្ជីម៉ាកសម្គាល់ភូមិសាស្រ្តទំនិញកម្ពុជា ត្រូវធ្វើតាមរយៈសមាគមសម្គាល់ភូមិសាស្រ្តទំនិញ។ អ្នកដាក់ពាក្យស្នើសុំ គឺជាម្ចាស់សិទ្ធិលើម៉ាកសម្គាល់ភូមិសាស្រ្តទំនិញក្រោយការចុះបញ្ជី។

ម៉ាកសម្គាល់ភូមិសាស្រ្តទំនិញ មិនអាចចុះបញ្ជីបាន ប្រសិនបើ៖

ម៉ាកនោះផ្ទុយនឹងច្បាប់បទប្បញ្ញត្តិ តម្លៃសីលធម៌ សង្គមសាសនាប្រពៃណីល្អរបស់ជាតិ ឬសណ្តាប់ធ្នាប់សាធារណៈ។
ម៉ាកនោះ ធ្វើឱ្យសាធារណជនយល់ខុស ឬភាន់ច្រឡំពីចរិតលក្ខណៈ ដូចជាប្រភេទគុណភាពទីកន្លែងនៃប្រភពដើមដំណើរការផលិត ឬការប្រើប្រាស់។
ម៉ាកនោះ ត្រូវបានគេប្រើប្រាស់ជាឈ្មោះពូជដំណាំ ឬពូជសត្វ។
ម៉ាកនោះជានាមទូទៅ៕

ដកស្រង់ចេញពី៖ ច្បាប់ស្តីពីម៉ាកសម្គាល់ភូមិសាស្រ្តទំនិញ