យានចិន បើកលើភពព្រះចន្ទបានចម្ងាយប៉ុណ្ណាហើយ?
- 2020-06-29 03:11:15
- ចំនួនមតិ 0 | ចំនួនចែករំលែក 0
យានចិន បើកលើភពព្រះចន្ទបានចម្ងាយប៉ុណ្ណាហើយ?
ចន្លោះមិនឃើញ
រយៈពេលមួយឆ្នាំកន្លះមកនេះ យាន Yutu-2 នៃបេសកកម្ម Chang'e-4 បានបើកបរនៅលើផ្ទៃដីផ្នែកម្ខាងទៀតនៃភពព្រះចន្ទ (តំបន់ងងឹតដែលមនុស្សលើផែនដីមិនអាចមើលឃើញ និងជាតំបន់ដែលមិនទាន់មានប្រទេសណាបញ្ជូនយានអវកាសទៅដល់) បានចម្ងាយ ៤៦៣,២៦ម៉ែត្រហើយ។ នេះបើតាមការប្រកាសរបស់រដ្ឋបាលអវកាសជាតិចិន កាលពីថ្ងៃទី២៨ ខែមិថុនា ឆ្នាំ២០២០។
សូមជម្រាបថា ចិនបានសម្រេចជោគជ័យលើកដំបូងជាប្រវត្តិសាស្រ្ត ក្នុងការចុះចតយាន Yutu-2 លើផ្ទៃដីភពព្រះចន្ទខាងលើនេះ កាលពីថ្ងៃទី៣ ខែមករា ឆ្នាំ២០១៩ ដើម្បីរុករករ៉ែ និងសិក្សាពីរចនាសម្ព័ន្ធ និងគំរូនានា។
ប្រតិបត្តិការរបស់យាននេះ នឹងជួយឱ្យអ្នកវិទ្យាសាស្រ្តដឹងអំពីអាថ៌កំបាំងនានាដែលស្ថិតក្រោមដីព្រះចន្ទនៅតំបន់ងងឹតនេះ, ការប៉ះទង្គិចគ្នារវាងភពព្រះចន្ទ និងវត្ថុដទៃ, សកម្មភាពភ្នំភ្លើង និងការវិវត្តភូគព្ភសាស្រ្តលើភពនេះជាដើម។
សូមបន្ថែមថា ចិនក៏គ្រោងនឹងបានបង្ហោះយានអវកាស Chang'e-5 ដើម្បីនាំយកគំរូដែល Yutu-2 ប្រមូលបានពីភពព្រះចន្ទ មកផែនដី នៅចុងឆ្នាំនេះផងដែរ៕