Messi និយាយយ៉ាងម៉េច ពេល Real Madrid ក្លាយជាជើងឯកលីគកំពូលអេស្ប៉ាញ?

2020-07-17 02:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Real Madrid បានយកឈ្នះ ២-១ លើក្រុម Villareal យកបាន ៣ ពិន្ទុបន្ថែមគ្រប់គ្រាន់អាចឲ្យ ក្រុមអធិរាជសេះស អាចក្លាយជាជើងឯកលីគកំពូលអេស្ប៉ាញ លើកទី៣៤ ក្នុងប្រវត្តិសាស្រ្តក្លឹប។

ជាមួយគ្នានេះដែរ Lionel Messi អាចស៊ុតគ្រាប់បាល់ហ្វ្រីឃីគយ៉ាងស្អាត (ជាគ្រាប់ទី ៧០១ ក្នុងអាជីព) ប៉ុន្តែចប់ប្រកួត Barcelona ចាញ់ ១-២ ទល់នឹងក្រុម Osasuna ធ្វើឲ្យ Barcelona មិនអាចការពារដំណែងជើងឯក La Liga ៣ រដូវកាលជាប់ៗបាន។

រូបថតក្លឹប Barcelona

ក្រោយចប់ប្រកួត ប្រធានក្រុមរូបនេះលើកឡើងថា៖ **"ពួកយើង [FC Barcelona] មិនចង់បញ្ចប់រដូវកាលដោយបែបនេះឡើយ តែអ្វីៗវាហួសទៅហើយ។ ក្រុមយើងធ្លាក់ជើងខ្លាំងណាស់ ក្លាយជាក្រុមខ្សោយមួយ យើងបាត់ពិន្ទុជាច្រើន ជាក់ស្ដែងដូចថ្ងៃនេះស្រាប់។ គ្រប់ប្រកួតតាំងពីដើមខែមករា មកដល់ឥឡូវ យើងធ្វើមិនបានល្អសោះ។ ក្រុមយើង ត្រូវតែមានការផ្លាស់ប្ដូរ គ្រប់យ៉ាងប្រាកដណាស់ ដើម្បីក្រុមប្រសើរឡើងមកវិញ។**

កាលពីប៉ះក្រុម Roma ឬ Liverpool អ្នកគាំទ្រពួកគេនៅឈឺចាប់មិនទាន់បាត់នៅឡើយ ព្រោះយើងធ្វើមិនបានល្អឲ្យពួកគេ។ ប្រសិនបើចង់ប្រជែងក្នុង Champions League ដល់ទីបំផុត ក្រុមយើង ត្រូវតែមានការផ្លាស់ប្ដូរ គ្រប់យ៉ាងប្រាកដណាស់។

ខ្ញុំហ៊ាននិយាយថា បើពួកយើងនៅតែបន្តបែបនេះ យើងនឹងចាញ់ Napoli មិនខានឡើយ។ ពួកយើងត្រូវតែម្ចាស់ការលើខ្លួនឯង ហើយចាប់ផ្តើមមុនគេគឺពី កីឡាករតែម្ដង និងក្លឹបទាំងមូលផងដែរ។"

ទស្សនាវីដេអូហាយឡាយ៖