ទ្រព្យសម្បត្តិជាងពាន់លានដុល្លារ Yang Mi នៅតែប្ដេជ្ញាមិនឲ្យមិត្តភ័ក្ដិខ្ចីលុយជាដាច់ខាត

2020-08-03 03:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កំពូលតារាសម្ដែងស្រីចិន Yang Mi គិតថា បញ្ហាលុយកាក់អាចសម្លាប់មិត្តភាពមួយទាំងស្រុង។ ដោយសារតែឧស្សាហ៍ ព្យាយាមធ្វើការ ក៏ដូចជាពូកែធ្វើជំនួញនោះ តារាសម្ដែងស្រីលំដាប់ A ចិន Yang Mi នៅពេលនេះមានទ្រព្យសម្បត្តិហូរហៀរ ដោយសូម្បីតែទ្រព្យទិញរួមនឹងអតីតស្វាមី ក៏នាងមិនយកដែរ គឺឲ្យទៅ Harwick Lau ទាំងអស់។ ទោះជាយ៉ាងណាក៏ដោយ ក៏នាងមិនមែនជាអ្នកចាយលុយធំដែរ ជាពិសេស ស្រីស្អាត៣៤ឆ្នាំគ្មានបំណងឲ្យលុយទៅមិត្តភ័ក្ដិខ្ចីឡើយ។

នាងបានបង្ហាញពីគោលជំហរនេះនៅពេលចូលរួមក្នុងកម្មវិធី My Dear, Please Relax។ តាមនោះដែរ នៅពេលត្រូវពិធីករសួរថា នឹងជួយមិត្តភ័ក្ដិឬអត់ ពេលគេជួបបញ្ហាលុយកាក់ Yang Mi បានឆ្លើយយ៉ាងត្រង់ថា អត់។ ជាមួយនឹងទ្រព្យជាង ១០០០លានដុល្លារ តែនាងមានការគិតផ្សេងពីរឿងលុយកាក់។ “ខ្ញុំជាធម្មតា មិនឲ្យអ្នកដទៃខ្ចីលុយឡើយ។ ឧទាហរណ៍ បើមានមិត្តម្នាក់ខ្ចីខ្ញុំ ២ម៉ឺនដុល្លារ នឹងគិតថា ខ្ញុំមានលុយច្រើន មិនចាំបាច់សងទេ។ ហើយដោយសារតែខ្ញុំក៏មិនចង់បើកមាត់ទារដែរនោះ ដូចនេះមិនឲ្យខ្ចីគឺល្អបំផុត។ សំណាងដែរ មកដល់ពេលនេះមិនទាន់មានអ្នកណាហាមាត់ខ្ចីលុយខ្ញុំ"។

តួរឿង ស្នេហាទេវតា៣ជាតិ គិតថា ការមិនឲ្យមិត្តភ័ក្ដិខ្ចីលុយ គឺជាការរក្សាចំណងមិត្តភាពបានល្អបំផុត។ ទន្ទឹមនឹងគ្នាផងដែរ ទោះបីជារឿងចាស់មិនទាន់ថតចប់ក៏ដោយ Yang Mi បានទទួលថតរឿងភាគថ្មីហើយដែលនិយាយពីជីវិតរបស់មេធាវី ដោយនៅក្នុងរឿងថ្មីនេះ នាងនឹងសម្ដែងរួមនឹងប្រុសស្អាតស្រករក្រោយ Xu Kai។ រឿងនេះគ្រោងក្រុងពាលីនៅចុងឆ្នាំ ឬដើមឆ្នាំក្រោយ៕